NASA កុម្ម៉ង់កាមេរ៉ា Nikon D5 ចំនួន៥៣គ្រឿង ទុកថតបេសកកម្ម
- 2017-08-26 09:10:37
- ចំនួនមតិ 0 | ចំនួនចែករំលែក 0
NASA កុម្ម៉ង់កាមេរ៉ា Nikon D5 ចំនួន៥៣គ្រឿង ទុកថតបេសកកម្ម
ចន្លោះមិនឃើញ
ទីភ្នាក់ងារអវកាស NASA បានកុម្ម៉ង់កាមេរ៉ាប្រភេទ DSLR របស់ Nikon គឺម៉ូឌែល D5 ចំនួន ៥៣គ្រឿង ដែលមានតម្លៃ ៦៥០០ដុល្លារក្នុងមួយគ្រឿង។ ជារួម NASA បានចំណាយអស់ប្រហែល ៣៤៤៥០០ ដុល្លារលើការជាវកាមេរ៉ាទាំងនេះ ស្របពេលដែលខ្លួនមានថវិកាសរុបប្រមាណជា ១៩,៥ពាន់លានដុល្លារ។
Nikon បានអះអាងថា កាមេរ៉ាដែលលក់ឲ្យ NASA មិនមានបំពាក់គ្រឿង Hardware ពិសេសអ្វីឡើយ។ ពួកវា ជា Nikon D5 ដែលលក់ទៅឲ្យអតិថិជនរបស់ខ្លួនទូទៅ។ ក្រុមហ៊ុនដដែលអះអាងថា ការសម្រេចទិញកាមេរ៉ារបស់ខ្លួន គឺដោយសារតែទំនុកចិត្តរបស់ NASA ទៅលើផលិតផលរបស់ខ្លួន ព្រមទាំងសមត្ថភាពក្នុងការស៊ូនឹងបរិយាកាសខាងក្រៅ។
កាមេរ៉ា Nikon D5 ទាំងនោះ នឹងត្រូវប្រើប្រាស់សម្រាប់ការថតក្នុងការហ្វឹកហាត់របស់ក្រុមអវកាសយានិក នៅលើផែនដី និងការប្រើប្រាស់នៅលើស្ថានីយអវកាសអន្តរជាតិ (ISS) ទាំងក្នុងស្ថានីយ និងក្រៅស្ថានីយក្នុងលំហ។
គួរបញ្ជាក់ថា NASA ធ្លាប់ជាវម៉ូដែល Nikon D3S ជាច្រើនគ្រឿងផងដែរ កាលពីឆ្នាំ២០០៩៕