វិញ្ញាសាបាល់ទាត់បុរសនៅស៊ីហ្គេម ឈានដល់ទីបញ្ចប់យប់នេះហើយ!

2017-08-29 04:22:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វិញ្ញាសាបាល់ទាត់ គឺជាវិញ្ញាសាមួយ ក្នុងចំណោមវិញ្ញាសាចំនួនពីរ ដែលបានចាប់ផ្ដើមមុនគេក្នុងព្រឹត្តិការណ៍ស៊ីហ្គេមលើកទី២៩ នាប្រទេសម៉ាឡេស៊ី កាលពីថ្ងៃទី១៤ ខែសីហា ឆ្នាំ២០១៧ ហើយនៅថ្ងៃអង្គារនេះ វិញ្ញាសាដដែលនឹងត្រូវបញ្ចប់ តាមរយៈការប្រកួត ២គូ ដណ្ដើមមេដាយមាស និងមេដាយសំរឹទ្ធ។

នៅម៉ោង ៣:៣០ នាទីរសៀលនេះ ក្រុមឥណ្ឌូណេស៊ី នឹងជួប មីយ៉ាន់ម៉ា ក្នុងការប្រកួតដណ្ដើមចំណាត់ថ្នាក់លេខ៣ ឬ មេដាយសំរឹទ្ធ។ ចំណែក ថៃ នឹងត្រូវប៉ះក្រុមម្ចាស់ផ្ទះម៉ាឡេស៊ី នៅម៉ោង ៧:៤៥ នាទីយប់ ក្នុងវគ្គផ្តាច់ព្រ័ត្រ ស្វែងរកម្ចាស់មេដាយមាស។

ក្រុមម៉ាឡេស៊ី

ក្រុមថៃ

ថៃ ឆ្លងទៅវគ្គផ្តាច់ព្រ័ត្រ បន្ទាប់ពីយកឈ្នះមីយ៉ាន់ម៉ា ដោយលទ្ធផល ១-០ នៅវគ្គពាក់កណ្ដាលផ្តាច់ព្រ័ត្រ ខណៈម៉ាឡេស៊ី យកឈ្នះឥណ្ឌូណេស៊ី ដោយលទ្ធផល ១-០ ផងដែរ។

សូមបញ្ជាក់ថា ថៃ ជាក្រុមការពារតំណែងម្ចាស់មេដាយមាសស៊ីហ្គេម វិញ្ញាសាបាល់ទាត់បុរស កាលពីឆ្នាំ២០១៥ និងជាម្ចាស់មេដាយមាសចំនួន ១៥លើក នៅព្រឹត្តិការណ៍នេះ។ ចំណែក ម៉ាឡេស៊ី ឈរនៅលំដាប់ទីពីរ ដែលជាប្រទេសធ្លាប់ឈ្នះមេដាយមាសវិញ្ញាសាបាល់ទាត់បុរស ៦លើក បន្ទាប់ពីថៃ៕

រូបភាព៖ សហព័ន្ធកីឡាបាល់ទាត់ម៉ាឡេស៊ី និង សហព័ន្ធកីឡាបាល់ទាត់ថៃ*

អត្ថបទ៖ លាភ.