AFC U16៖ កម្ពុជា ស្គាល់ជ័យជម្នះលើកដំបូង ទៅលើក្រុមម៉ុងហ្គោលី យ៉ាងលំបាក

2017-09-24 10:54:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុម U16 កម្ពុជា បានប្រកួតឈ្នះក្រុមម្ចាស់ផ្ទះ U16 ម៉ុងហ្គោលី ៣-២ ក្នុងវគ្គជម្រុះតាមពូលជើងចុងក្រោយ នៃពានរង្វាន់ AFC U16 Championship 2018 ដែលទើបតែបញ្ចប់នាល្ងាចថ្ងៃទី២៤កញ្ញានេះ។ ៣គ្រាប់របស់កម្ពុជា ធ្វើបានដោយ គី រីណា នាទី ៧ សាម៊ែល នាទី១៨ និង ប៊ុន ណារ៉ុង នាទី ៣៤។ ចំណែក ២គ្រាប់របស់ម៉ុងហ្គោលី គឺនៅនាទី ២៤ និង៥២។

នេះជាជ័យជម្នះលើកដំបូងរបស់ក្រុម U16 កម្ពុជា មុនត្រឡប់មកផ្ទះវិញ ដោយ ២ប្រកួតមុន គឺចាញ់ វៀតណាម ២-៥ និងចាញ់អូស្ត្រាលី ០-៥ ធ្វើឲ្យកម្ពុជា ស្ថិតនៅចំណាត់ថ្នាក់ទី៣ ក្នុងពូល។ ចំណែកក្រុម U16 ម៉ុងហ្គោលីវិញ គឺ ៣ប្រកួត ចាញ់ទាំង៣ប្រកួត ស្ថិតនៅបាតតារាង។ នៅក្នុងពូល I នេះ អូស្ត្រាលី ឈរនៅលេខ១ មាន ៩ពិន្ទុ និងវៀតណាម លេខ២ មាន ៦ពិន្ទុ៕

អត្ថបទ៖ សំភី