Kane ចារឈ្មោះក្នុងបញ្ជីហ៊ែតទ្រីក UCL ពេល Spurs រក្សាកំណត់ត្រាយ៉ាងល្អ
- 2017-09-27 04:24:46
- ចំនួនមតិ 0 | ចំនួនចែករំលែក 0
Kane ចារឈ្មោះក្នុងបញ្ជីហ៊ែតទ្រីក UCL ពេល Spurs រក្សាកំណត់ត្រាយ៉ាងល្អ
ចន្លោះមិនឃើញ
បន្ទាប់ពីជួយ Spurs រកបាន ៣ពិន្ទុពីការប្រកួតទីពីរ វគ្គសន្សំពិន្ទុ ដែលយកឈ្នះ APOEL ០-៣ យប់មិញ ខ្សែប្រយុទ្ធ Harry Kane បានក្លាយជាកីឡាករសញ្ជាតិអង់គ្លេសទី៧ ដែលរកបានហ៊ែតទ្រីក (៣គ្រាប់) ក្នុងការប្រកួត UEFA Champions League ។
Kane ទាត់គ្រាប់បើកឆាកក្នុងការប្រកួតនៅនាទី៣៩ ក្នុងតង់ទីមួយ។ ចំណែកគ្រាប់ទី២ និងទី៣ ខ្សែប្រយុទ្ធវ័យ ២៤ឆ្នាំរូបនេះ ប្រើរយៈពេលត្រឹមតែ ៥នាទីប៉ុណ្ណោះ ដោយការស៊ុតមួយជើង និងតែតមួយក្បាល។
ខ្សែប្រយុទ្ធរបស់ Spurs រូបនេះ បានចារឈ្មោះរបស់ខ្លួនក្នុងបញ្ជីហ៊ែតទ្រីក បន្ទាប់ពី Andrew Cole, Michael Owen, Wayne Rooney, Alan Shearer, Danny Welbeck និង Mike Newell ។ ៣គ្រាប់យប់មិញ ជាហ៊ែតទ្រីក លើកទី៦ ក្នុងឆ្នាំ២០១៧ ។ ក្នុងខែកញ្ញានេះ Kane រកបាន ១១គ្រាប់ឲ្យក្លឹប និងក្រុមជម្រើសជាតិ ក្នុងការបង្ហាញខ្លួនត្រឹមតែ ៦លើកប៉ុណ្ណោះ។
ជ័យជម្នះនេះ មានន័យថា Spurs ឡើងឈរកំពូលតារាង មាន ៦ពិន្ទុ ស្មើ Real Madrid ដែលបានយកឈ្នះ Dortmund ១-៣៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
