កីឡាករឆ្នើមរបស់ថៃ ៥រូបទៀត នឹងទៅប្រកបអាជីពនៅជប៉ុន

2017-09-27 08:41:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ត្រីលីគបាល់ទាត់ជប៉ុន J.League លោក Keiichi Yamamoto បានលាតត្រដាងថា ក្លឹបរបស់ជប៉ុនបានសម្លឹងឃើញកីឡាករថៃចំនួន ៥រូប ដែលពួកគេនឹងត្រូវចុះកុងត្រាដើម្បីផ្ទេរទៅលេងនៅជប៉ុន នារដូវកាលក្រោយ។

«ខ្ញុំគិតថា កីឡាករថៃ ៥នាក់ទៀត នឹងដើរតាមគន្លងរបស់ Chanathip ដើម្បីផ្ទេរមកជប៉ូន។ ក្នុងនោះ ភាគច្រើនពួកគេជាកីឡាករដែលមានវ័យច្រើន ហើយនៅសល់ប៉ុន្មានជាកីឡាករយុវជន។ ពួកគេនឹងមានឱកាសលេងនៅលីគលំដាប់ទីពីរ»។ នេះជាការអះអាងរបស់លោក Yamamoto ។

Chanathip Songkrasin ពេលផ្ទេរទៅកាន់ក្លឹប Consadole Sapporo

បច្ចុប្បន្ន កីឡាករថៃ ចំនួន ៣នាក់ហើយ ដែលកំពុងប្រកពអាជីពនៅជប៉ុន ក្នុងនោះក៏មានកីឡាកររហស្សនាម Messi Jay គឺ Chanathip Songkrasin ដែលកំពុងស្ថិតក្នុងលក្ខខណ្ឌខ្ចីជើងជាមួយក្លឹបលីគកំពូល Consadole Sapporo ។ កីឡាករផ្សេងៗទៀត មានដូចជា Jakkit Wechpirom (លីគ៣ជប៉ុន) និង Sittichok Phaso (លីគ៣ជប៉ុន) ។

គួររម្លឹកថា កាលពីខែមីនាកន្លងទៅ សហព័ន្ធកីឡាបាល់ទាត់ថៃ និងសហព័ន្ធកីឡាបាល់ទាត់ជប៉ុន បានចុះ MoU លើកិច្ចសហប្រតិបត្តិការដើម្បីអភិវឌ្ឍកីឡាបាល់ទាត់រវាងប្រទេសទាំងពីរ។ ចំណុចសំខាន់ៗ នៃ Mou នោះគឺ ការជួយដំណើរការលីគ ការលើកកម្ពស់ជម្រើសជាតិ ការផ្លាស់ប្ដូរអ្នកជំនាញ និងការអភិវឌ្ឍអាជ្ញាកណ្ដាល៕