Champions League អាស៊ី៖ ជំនួបវគ្គពាក់កណ្ដាលផ្តាច់ព្រ័ត្រដ៏តានតឹង បញ្ចប់ត្រឹមលទ្ធផលស្មើ
- 2017-09-27 13:58:13
- ចំនួនមតិ 0 | ចំនួនចែករំលែក 0
Champions League អាស៊ី៖ ជំនួបវគ្គពាក់កណ្ដាលផ្តាច់ព្រ័ត្រដ៏តានតឹង បញ្ចប់ត្រឹមលទ្ធផលស្មើ
ចន្លោះមិនឃើញ
ក្រុមខ្លាំងមកពីលីគកំពូលចិន Shanghai SIPG មិនអាចស្វែងរកជ័យជម្នះលើក្រុម Urawa Red Diamonds របស់ជប៉ុន ក្នុងផ្ទះរបស់ខ្លួនបានឡើយ បន្ទាប់ពីប្រកួតស្មើគ្នាក្នុងលទ្ធផល ១-១ នៅវគ្គពាក់កណ្ដាលផ្តាច់ព្រ័ត្រ ជើងទីមួយ ពានរង្វាន់ AFC Champions League យប់ថ្ងៃពុធនេះ។
ក្រុមម្ចាស់ផ្ទះ Shanghai SIPG បានស៊ុតរកគ្រាប់នាំមុខ តាំងពីនាទី១៥ ដោយខ្សែប្រយុទ្ធប្រេស៊ីល Hulk ពីការបញ្ចូនរបស់មិត្តរួមសញ្ជាតិ Oscar ដែលជាអតីតកីឡាកររបស់ Chelsea ។ ប៉ុន្តែបានត្រឹមតែ ១៣នាទី ក្រុមភ្ញៀវ Urawa Red Diamonds បានធ្វើការវាយបកយកគ្រាប់តាមស្មើបានសម្រេចពីខ្សែបម្រើជប៉ុន Yosuke Kashiwagi ។ ក្រុមទាំងពីរបានសម្រុកគ្នាទៅវិញទៅមក រហូតដល់ចប់ការប្រកួត ដោយមិនអាចបង្កើតគ្រាប់បាល់ទី៣ ក្នុងការប្រកួតដ៏ស្វិតស្វាញនេះបានឡើយ។
លទ្ធផលនេះ ធ្វើឲ្យ Shanghai SIPG ជួបការលំបាក ដោយត្រូវរកឲ្យបានយ៉ាងហោចណាស់ ១គ្រាប់បាល់ជាចាំបាច់ ក្នុងជើងទីពីរ ក្នុងករណីដែល Urawa Red Diamonds មិនអាចរកគ្រាប់បាល់បានក្នុងផ្ទះរបស់ខ្លួន ក្នុងការប្រកួតដែលធ្វើឡើង នាថ្ងៃទី១៨ ខែតុលាខាងមុខនេះ។ បើមិនដូច្នោះទេ Shanghai SIPG មិនអាចឡើងទៅវគ្គផ្តាច់ព្រ័ត្រ បានឡើយ។
គ្រាប់របស់ Shanghai SIPG
គ្រាប់របស់ Urawa Red Diamonds
ដោយឡែក មួយគូទៀត ក្រុម Al-Hilal របស់អារ៉ាប៊ីសាអ៊ូឌីត កំពុងមានសង្ឃឹមខ្ពស់ក្នុងការឈានទៅវគ្គផ្តាច់ព្រ័ត្រ បន្ទាប់ពីបំបាក់ក្រុម Persepolis របស់អ៊ីរ៉ង់ ក្នុងជើងទីមួយ យ៉ាងចាស់ដៃ ដោយលទ្ធផល ៤-០ ៕