ជម្រើសជាតិឈុតធំ និងឈុត U19 នឹងប្រកួតជាមួយឥណ្ឌូណេស៊ី នៅដើមខែក្រោយ

2017-09-29 03:54:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើយោងតាមប្រភពពីខាងឥណ្ឌូណេស៊ី ឲ្យដឹងថា ក្រុមបាល់ទាត់ជម្រើសជាតិកម្ពុជា និងក្រុមយុវជន U19 នឹងទៅប្រកួតមិត្តភាពជាមួយក្រុមឥណ្ឌូណេស៊ី នាថ្ងៃទី៤ខែតុលាខាងមុខនេះ នៅកីឡដ្ឋានPatriot Candrabaga។

កម្ពុជា ក្នុងជំនួបមិត្តភាពជាមួយ ឥណ្ឌូណេស៊ី កាលពីខែមិថុនា ឆ្នាំ២០១៧

ក្រុមជម្រើសជាតិឥណ្ឌូណេស៊ី ពេលមកប្រកួតជាមួយកម្ពុជា កាលពីខែមិថុនា ឆ្នាំ២០១៧

នេះជាការប្រកួតកម្តៅសាច់ដុំមួយរបស់ក្រុមជម្រើសជាតិកម្ពុជា ដើម្បីត្រៀមខ្លួនប្រកួតជាមួយក្រុមវៀតណាមក្នុងវគ្គជម្រុះក្នុងពូល AFC Asian Cup 2019 នៅថ្ងៃទី១០តុលា។ ដើម្បីអមការប្រកួតក្រុមធំនេះដែរ ឥណ្ឌូណេស៊ីក៏បានអញ្ជើញក្រុម U19 កម្ពុជាទៅប្រកួតផងដែរនៅថ្ងៃដដែលនោះ ពោលគឺក្រុមតូចប្រកួតមុន ហើយក្រុមធំចូលប្រកួតតាមក្រោយ។

សូមរម្លឹកថា កាលពីខែមិថុនា ក្រុមជម្រើសជាតិកម្ពុជា បានប្រកួតចាញ់ឥណ្ឌូណេស៊ី ក្នុងលទ្ធផល ០-២ ក្នុងការប្រកួតមិត្តភាពមួយ នៅពហុកីឡដ្ឋានជាតិ៕