ថៃ ចង់ចូលរួមធ្វើជាម្ចាស់ផ្ទះ World Cup 2034 ជាមួយឥណ្ឌូណេស៊ី

2017-09-29 07:17:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានសហព័ន្ធបាល់ទាត់ថៃ លោក Somyot Poompunmuang បានបញ្ជាក់កាលពីថ្ងៃទី២៧កញ្ញាថា សហព័ន្ធបាល់ទាត់ថៃ និងសហព័ន្ធបាល់ទាត់ឥណ្ឌូណេស៊ី ចង់ចូលរួមប្រជែងធ្វើជាម្ចាស់ផ្ទះ World Cup 2034។ ការបញ្ជាក់ពីបំណងនេះ ក្រោយពេលដែលសហព័ន្ធទាំង២ ទទួលបានការគាំទ្រពីសហព័ន្ធបាល់ទាត់អាស៊ាន កាលពីសប្តាហ៍មុន។

លោក Somyot Poompunmuang ប្រធានសហព័ន្ធបាល់ទាត់ថៃ

លោក Somyot បន្តថា ទោះបីជាកីឡដ្ឋានបាល់ទាត់នៅក្នុងប្រទេសថៃ មិនអាចប្រៀបធៀបជាមួយកីឡដ្ឋាននៅប្រទេសឥណ្ឌូណេស៊ីក៏ដោយ ប៉ុន្តែលោកជឿជាក់ថា សហព័ន្ធនឹងទទួលបានថវិកាពីរដ្ឋាភិបាល ក្នុងការសាងសង់កីឡដ្ឋានតាមស្តង់ដារបស់ FIFA នៅពេលទទួលបានសិទ្ធិធ្វើជាម្ចាស់ផ្ទះ។

កីឡដ្ឋាន Rajamangala ប្រទេសថៃ

កីឡដ្ឋាន Gelora Bung Karno ប្រទេសឥណ្ឌូណេស៊ី

សូមបញ្ជាក់ថា ថៃ និងឥណ្ឌូណេស៊ី មិនដែលបានឈានដល់វគ្គផ្តាច់ព្រ័ត្រ ៣២ក្រុមចុងក្រោយ នៃព្រឹត្តិការណ៍ World Cup នោះទេ។

កាលពីព្រឹត្តិការណ៍ World Cup ក្នុងឆ្នាំ២០០២ គឺធ្វើឡើងនៅក្នុងទ្វីបអាស៊ីជាលើកដំបូង ដោយកូរ៉េខាងត្បូង និងជប៉ុន ធ្វើជាម្ចាស់ផ្ទះរួម។ FIFA មិនពេញចិត្តនឹងការរៀបចំក្នុងប្រទេសទាំង២នេះឡើយ ដោយសារមានបញ្ហាចម្រូងចម្រាស់ជាច្រើន បានកើតឡើង ក្នុងអំឡុងពេលប្រកួតវគ្គផ្តាច់ព្រ័ត្រ។

ការប្រកួតក្នុង World Cup ឆ្នាំ ២០២២ នឹងធ្វើឡើងនៅក្នុងទ្វីបអាស៊ីជាលើកទី២ គឺនៅប្រទេសកាតា៕

ប្រភព៖ Bangkokpost ប្រែសម្រួល៖ សំភី