សឿត បារាំង ថា កម្រិតកម្ពុជា ប្រហាក់ប្រហែលនឹងវៀតណាម

2017-10-02 07:02:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែការពារជម្រើសជាតិកម្ពុជា សឿត បារាំង បានអះអាងមុនពេលចាកចេញពីកម្ពុជា ឆ្ពោះទៅឥណ្ឌូណេស៊ី នៅព្រឹកថ្ងៃទី២តុលាថា កាលជើងទី១ ទោះចាញ់វៀតណាម ១-២ មែន តែកម្រិតនៃការលេងប្រហាក់ប្រហែលគ្នាតែប៉ុណ្ណោះ។ ដោយឡែកនៅជើងទី២ រូបគេ និងមិត្តរួមក្រុមតាំងចិត្តថា នឹងប្រឹងប្រែងឲ្យបានល្អបំផុត ដើម្បីស្វែងរកលទ្ធផលល្អមួយជូនជាតិ។

សឿត បារាំង

កីឡាករមកពីក្លឹបភ្នំពេញក្រោន វ័យ ១៩ឆ្នាំរូបនេះ បញ្ជាក់ថា មហិច្ឆតាចង់ឈ្នះវៀតណាមជារឿងលំបាកមួយ តែក៏មិនប្រាកដថា ក្រុមខ្លាំងនៅតែអាចឈ្នះការប្រកួតរហូតនោះដែរ។ ម្យ៉ាងទៀត បើទោះលើកនេះកម្ពុជានៅតែចាញ់វៀតណាមក៏ដោយ ក៏គង់មានថ្ងៃណាមួយលទ្ធផលនេះ នឹងកែប្រែបានដែរ។

សូមបញ្ជាក់ថា គោព្រៃកម្ពុជាបាន ធ្វើដំណើរទៅប្រទេសឥណ្ឌូណេស៊ី ដើម្បីត្រៀមប្រកួតមិត្តភាពជាមួយប្រទេសមួយនេះថ្ងៃទី៤ ខែតុលា ឆ្នាំ២០១៧។ នេះជាការប្រកួតមិត្តភាព ដើម្បីត្រៀមជួបក្រុមវៀតណាម នៅថ្ងៃទី១០ ខែតុលា ឆ្នាំ២០១៧ ក្នុងជម្រុះ AFC Asian Cup 2019 នៅក្រុងហាណូយ៕