កម្ពុជា យកការជួបឥណ្ឌូណេស៊ី ជាការត្រៀមខ្លួនដ៏សំខាន់មុនប៉ះវៀតណាម

2017-10-04 06:12:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូបង្វឹកក្រុមជម្រើសជាតិទាំង ២២នាក់ លោក Leonardo Vitorino បានចាត់ទុកការប្រកួតជាមួយក្រុមម្ចាស់ផ្ទះឥណ្ឌូណេស៊ី យប់នេះ ជាការសាកល្បងសមត្ថភាពដ៏មានសំខាន់មួយ ៦ថ្ងៃមុនការប្រកួតផ្លូវការ នៅវគ្គជម្រុះ AFC Asian Cup 2019 ជាមួយក្រុមជម្រើសជាតិវៀតណាម។

«ឥណ្ឌូណេស៊ី មានកីឡាករល្អច្រើន ហើយក៏មានគ្រូបង្វឹកល្អថែមទៀត... ការប្រកួតនេះជាការត្រៀមខ្លួនរបស់ពួកយើង សម្រាប់វគ្គជម្រុះ (AFC Asian Cup) ទល់នឹងវៀតណាម។ បន្ទាប់ពីទទួលសំណើពីសហព័ន្ធកីឡាបាល់ទាត់ឥណ្ឌូណេស៊ី ខ្ញុំបានយល់ស្របចំពោះការប្រកួតនេះតែម្ដង។ ឥណ្ឌូណេស៊ី កំពុងតែល្អនៅពេលនេះ។ ខ្ញុំរំពឹងថា វាជាការប្រកួតដ៏សំខាន់ នៅពេលកម្ពុជា ជួបវៀតណាម»។ នេះជាសម្ដីរបស់គ្រូបង្វឹកដែលមានសញ្ជាតិប្រេស៊ីលខាងលើ។

សូមបញ្ជាក់ថា កាលពីម្សិលមិញ កីឡាករកម្ពុជា មិនអាចចូលហ្វឹកហាត់នៅកីឡដ្ឋាន Patriot បានឡើយ ដោយសារបញ្ហាភ្លៀង។ ដូច្នេះកីឡាករទាំងអស់ត្រូវបង្ខំចិត្តហ្វឹកហាត់នៅក្នុងសណ្ឋាគារវិញ៕

អត្ថបទ៖ លាភ.