គ្រូជម្រើសជាតិ ប្រាប់មូលហេតុប្ដូរ ចាន់ វឌ្ឍនាកា ចេញពាក់កណ្ដាលតង់ទីពីរ

2017-10-05 03:03:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Leonardo Vitorino គ្រូបង្វឹកកម្ពុជា បានពន្យល់ពីការប្ដូរខ្សែប្រយុទ្ធ ចាន់ វឌ្ឍនាកា ដែលរកបានមួយគ្រាប់ឲ្យជម្រើសជាតិ នៅដើមតង់ទីពីរ ក្នុងការប្រកួតមិត្តភាពអន្តរជាតិកាលពីយប់មិញ ក្នុងទឹកដីក្រុមម្ចាស់ផ្ទះឥណ្ឌូណេស៊ី។

ចាន់ វឌ្ឍនាកា

លោកបានបញ្ជាក់ថា ការប្ដូរចេញនេះគឺបណ្ដាលមកពីខ្សែប្រយុទ្ធមកពីខេត្តកំពតខាងលើ មានបញ្ហាសាច់ដុំ ទើបលោកសម្រេចប្ដូរជំនួសវិញដោយ អ៊ិន សូដាវីដ នៅក្នុងនាទី៧១ ។ លោកក៏បានបញ្ជាក់ដែរថា វឌ្ឍនាកា ហាក់មានចលនាយឺតជាងមុន និងលេងមិនសូវដូចពីមុនឡើយ បន្ទាប់ពីត្រឡប់មកពីក្លឹប Fujieda MYFC នៅជប៉ុន។

«ពួកយើងមានបញ្ហាមួយចំនួន។ កីឡាករសំខាន់របស់ពួកយើង ចាន់ វឌ្ឍនាកា មានចលនាយឺត ក្រោយត្រឡប់មកពីជប៉ុន។ ដូច្នេះ ពេលគេមកលេងជាមួយសមាជិកក្រុមជម្រើសដទៃទៀត គេហាក់មិនសូវលេងបានស៊ីសង្វាក់គ្នាបានល្អ។ នៅពាក់កណ្ដាលតង់ទីពីរ គេមានបញ្ហាសាច់ដុំ ដូច្នេះ ខ្ញុំក៏សម្រេចចិត្តប្ដូរគេចេញ»។ លោក Leonardo បានប្រាប់នៅក្នុងសន្និសីទសារព័ត៌មាន ក្រោយចប់ការប្រកួត ដែលកម្ពុជា ចាញ់ឥណ្ឌូណេស៊ី ដោយលទ្ធផល ៣-១៕

អត្ថបទ៖ លាភ.