ថ្ងៃនេះ តុលាការកំណត់ឲ្យបុគ្គល២រូប ចូលបំភ្លឺរឿងលុយបុណ្យសពលោក កែម ឡី

2017-10-09 02:00:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី០៩ ខែតុលានេះ គឺជាថ្ងៃដែលតុលាការកំណត់ឲ្យលោក ប៉ាង ងួនទៀង នាយកវិទ្យុសំឡេងប្រជាធិបតេយ្យ (VOD) និងជានាយកមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ និងលោក មឿន តុលា នាយកប្រតិបត្តិនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស និងជាអតីតគណៈកម្មការរៀបចំបុណ្យសពលោក កែម ឡី ចូលខ្លួនឆ្លើយបំភ្លឺ ពាក់ព័ន្ធនឹងករណីលុយបុណ្យសពរបស់លោក កែម ឡី អ្នកវិភាគសង្គម និងនយោបាយ។

លោក ប៉ាង ងួនទៀង

លោក មឿន តុលា

លោក គុជ គីមឡុង ព្រះរាជអាជ្ញារងអមសាលាដំបូងរាជធានីភ្នំពេញ កាលពីថ្ងៃទី២២ ខែកញ្ញា ឆ្នាំ២០១៧ បានចេញដីកាកោះហៅលោក ប៉ាង ងួនទៀង និងលោក មឿន តុលា ឲ្យចូលខ្លួនទៅកាន់អយ្យការអមសាលាដំបូងរាជធានី នៅព្រឹកថ្ងៃទី០៩ ខែតុលា ឆ្នាំ២០១៧ ដើម្បីបំភ្លឺអំពីដំណើររឿងពាក់ព័ន្ធបច្ច័យបុណ្យសពលោកបណ្ឌិត កែម ឡី និងបទរំលោភលើទំនុកចិត្ត តាមពាក្យបណ្ដឹងរបស់លោក ពេជ្រ ស្រស់ ប្រធានគណបក្សយុវជនកម្ពុជា។ ចំណែកព្រះតេជគុណ ប៊ុត ប៊ុនតិញ ត្រូវបានកោះហៅ ឲ្យចូលខ្លួនទៅកាន់អយ្យការអមសាលាដំបូងរាជធានី នៅព្រឹកថ្ងៃទី១១ ខែតុលា ឆ្នាំ២០១៧។

ក្បួនដង្ហែសព លោក កែម ឡី

ប្រជាពលរដ្ឋ កាន់រូបថតលោក កែម ឡី

ការចេញដីកាកោះនេះ គឺបន្ទាប់ពីលោក ពេជ្រ ស្រស់ ប្រធានគណបក្សយុវជនកម្ពុជា កាលពីថ្ងៃទី៨ ខែកញ្ញា ឆ្នាំ២០១៧ បានដាក់ពាក្យបណ្តឹងប្តឹងលោក ប៉ាង ងួនទៀង និងព្រះតេជគុណ ប៊ុត ប៊ុនតិញ អតីតគណៈកម្មការរៀបចំបុណ្យសពលោក កែម ឡី រឿងបាត់លុយបុណ្យសព។ បន្ទាប់មកនៅថ្ងៃទី១៤ ខែកញ្ញា ឆ្នាំ២០១៧ កន្លងទៅនេះ លោក ពេជ្រ ស្រស់ បានចូលទៅឆ្លើយបំភ្លឺពីដំណើររឿងស្វែងរកការពិតលើប្រាក់បច្ច័យ បានមកពីការចូលបុណ្យសព លោកបណ្ឌិត កែម ឡី តាមការកោះហៅរបស់លោក គុជ គឹមឡុង៕

អត្ថបទ៖ សោភា