ការតភ្ជាប់ផ្លូវដែកកម្ពុជា-ថៃ នឹងបញ្ចប់តាមគម្រោងនៅឆ្នាំក្រោយ

2017-10-10 02:20:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ច័ន្ទ សំលេង ប្រធាននាយកដ្ឋានផ្លូវ នៃក្រសួងសាធារណការ និងដឹកជញ្ជូន បានឲ្យដឹងកាលពីថ្ងៃទី៩តុលាថា ការតភ្ជាប់ផ្លូវដែករវាងកម្ពុជា និងថៃ កំពុងបោះជំហានជាបន្តបន្ទាប់ទៅតាមដំណាក់កាល ដើម្បីបញ្ចប់តាមគម្រោងនៅឆ្នាំ២០១៨។

រថភ្លើងនៅស្ថានីយភ្នំពេញ

លោក ច័ន្ទ សំលេង បានបញ្ជាក់ថា ការកសាងផ្លូវដែកពីប៉ោយប៉ែត មកស៊ីសូផុន សម្រេចបាន ៨៥% ពីស៊ីសូផុន មកបាត់ដំបង បានប្រហែល ៦០% ហើយរំពឹងថានឹងបញ្ចប់នៅចុងឆ្នាំ២០១៧នេះ។ ចំណែកផ្លូវដែកពីបាត់ដំបង មកពោធិ៍សាត់ ទើបតែចាប់ផ្តើមបាន ២០% ហើយនឹងអាចបន្តភ្ជាប់ដល់រាជធានីភ្នំពេញ នៅឆ្នាំ២០១៨។ នៅពេលបញ្ចប់ការសាងសង់ រថភ្លើង នឹងអាចដឹកទំនិញ ដោយរត់ចញពីរាជធានីភ្នំពេញ ឆ្ពោះទៅកាន់ទីក្រុងបាងកក ឬពីបាងកក មកភ្នំពេញវិញ។

ផ្លូវដែក១កន្លែង នៅខេត្តបាត់ដំបង

សូមរម្លឹកថា កិច្ចព្រមព្រៀងតភ្ជាប់ផ្លូវដែករវាងកម្ពុជា និងថៃ ត្រូវបានធ្វើឡើងដោយប្រមុខរដ្ឋាភិបាលប្រទេសទាំង២ កាលពីចុងឆ្នាំ២០១៥។ ការតភ្ជាប់នេះ ត្រូវបានរំពឹងថា ពាណិជ្ជកម្មឆ្លងដែននៃប្រទេសទាំង២ នឹងឡើងដល់ ២០ពាន់លានដុល្លារ ត្រឹមឆ្នាំ២០២០ ពោលគឺកើន ៣ដង នៃទំហំពាណិជ្ជកម្មនាពេលបច្ចុប្បន្ន៕

ប្រភព៖ Vayo Fm ប្រែសម្រួល៖ សំភី