ក្រុមហ៊ុនចិន Alibaba នឹងវ៉ាដាច់សេដ្ឋកិច្ចរបស់ប្រទេសអាល្លឺម៉ង់?

2017-10-12 02:59:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមទិន្នន័យពី Bloomberg បង្ហាញឲ្យដឹងថា ទីផ្សាររបស់ Alibaba មានតម្លៃ ៤៧២ពាន់លានដុល្លារ គិតត្រឹមថ្ងៃអង្គារទី១០តុលា។ ចំណែកឯ ដៃគូប្រជែង Amazon មានតម្លៃទីផ្សារតិចជាងបន្តិចត្រឹម ៤៧១,៩ពាន់លានដុល្លារ។

លោក Jack Ma ស្ថាបនិកក្រុមហ៊ុន Alibaba

តាមរយៈតួលេខនេះ Alibaba បានក្លាយជាក្រុមហ៊ុនលក់ទំនិញអនឡាញធំជាងគេជាលើកដំបូង ក្នុងរយៈពេល២ឆ្នាំចុងក្រោយនេះ បន្ទាប់ធ្លាប់ឈរនៅតំណែងកំពូលម្ដងកាលពីឆ្នាំ២០១៤។ បច្ចុប្បន្ន Alibaba ដែលបង្កើតឡើងដោយលោក Jack Ma គឺជាក្រុមហ៊ុនធំលំដាប់ថ្នាក់ទី៦លើកពិភពលោក ហើយធំដាច់គេនៅក្នុងអាស៊ី។

លោក Jack Ma បង្ហាញក្ដីរំពឹងថា ត្រឹមឆ្នាំ២០៣៦ Alibaba នឹងក្លាយជាមហាអំណាចសេដ្ឋកិច្ចលំដាប់ថ្នាក់ទី៥លើពិភពលោក ដោយវ៉ាដាច់ GDP លើសប្រទេសមួយចំនួនដូចជា អាល្លឺម៉ង់ អង់គ្លេស បារាំង និងឥណ្ឌា ជាដើម៕

ប្រភព៖ Shanghaiist ប្រែសម្រួល៖ ឈាង.