Real Madrid ប៉ះ Spurs ជាជំនួបរបស់ខ្សែប្រយុទ្ធដែលស៊ុតបានច្រើនគ្រាប់ក្នុងឆ្នាំនេះ

2017-10-17 06:56:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមអធិរាជស Real Madrid នឹងបើកទ្វារកីឡដ្ឋានរបស់ខ្លួនស្វាគមន៍ក្រុមភ្ញៀវមាន់ខ្នាយមាស Tottenham Hotspur ក្នុងការប្រកួតទី៣ វគ្គសន្សំពិន្ទុ ពូល H ពានរង្វាន់ UEFA Champions League វេលាម៉ោង ១:៤៥ នាទីរំលងអាធ្រាត្រ ឈានចូលថ្ងៃទី១៨ ខែតុលា។ ក្រុមទាំងពីរ សុទ្ធតែមានកីឡាករដែលរកគ្រាប់បាល់បានច្រើនដូចគ្នា នៅក្នុងឆ្នាំ២០១៧នេះ គឺ Cristiano Ronaldo និង Harry Kane។

Ronaldo (រូបភាព៖ Goal)

Cristiano Ronaldo ក្នុងឆ្នាំ២០១៧នេះ បានបង្ហាញខ្លួនចំនួន ៤៦លើក និងរកបានចំនួន ៤៣គ្រាប់ នៅគ្រប់កម្មវិធីប្រកួតទាំងក្លឹប និងក្រុមជម្រើសជាតិ។ ចំណែក Harry Kane បង្ហាញខ្លួនតែ ៣៨លើកប៉ុណ្ណោះ តែរកបានចំនួន ៤៣គ្រាប់។ ជាមធ្យម Ronaldo រកបាន ០,៩៣ គ្រាប់ក្នុងមួយប្រកួត បើធៀបនឹង Kane ដែលអាចរកបាន ១,១៣ គ្រាប់។

Harry Kane (រូបភាព៖ SkySports)

ការប្រកួតយប់នេះ ក៏ជាការប្រជែងយកតំណែងលេង១ ក្នុងពូលផងដែរ បន្ទាប់ពី ២ប្រកួតកន្លងទៅ ក្រុមទាំងពីរមាន ៦ពិន្ទុស្មើគ្នា ហើយមានបាល់ចំណេញ ៥គ្រាប់ដូចគ្នា។ ចំណែក ២ក្រុមទៀត (Dortmund និង APOEL) មិនទាន់មានពិន្ទុក្នុងដៃនៅឡើយទេ។

ជម្រើស១១នាក់ដំបូងដែលអាចចូលលេងយប់នេះ

Real Madrid៖ អ្នកចាំទី (Keylor Navas); ខ្សែការពារ (Nacho, Varane, Ramos, Marcelo); ខ្សែបម្រើ (Modric, Casemiro, Kroos, Isco); ខ្សែប្រយុទ្ធ (Benzema, Ronaldo)។ កីឡាករមិនអាចចូលលេងបាន មាន Bale, Kovacic និង Carvajal ។

Spurs៖ អ្នកចាំទី (Lloris); ខ្សែការពារ (Alderweireld, Sanchez, Vertonghen); ខ្សែបម្រើ (Aurier, Winks, Dier, Trippier, Eriksen, Son); ខ្សែប្រយុទ្ធ (Kane)។ កីឡាករមិនអាចចូលលេងបាន មាន Alli, N'Koudou, Dembele, Wanyama និង Davies ៕

ប្រភព៖ UEFA ប្រែសម្រួល៖ លាភ.