ម្ចាស់ Facebook នឹងទៅជួបជាមួយនាយករដ្ឋមន្ត្រីប្រទេសថៃ

2017-10-17 06:55:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថាបនិកបណ្ដាញសង្គម Facebook លោក Mark Zuckerberg នឹងធ្វើដំណើរទៅកាន់ប្រទេសថៃ ដើម្បីជួបជាមួយនាយករដ្ឋមន្ត្រីលោក ប្រាយុទ្ធ ចាន់អូចា។

លោក Mark Zuckerberg

លោកឧបនាយករដ្ឋមន្ត្រីថៃ Somkid Jatusripitak បានឲ្យដឹងនៅថ្ងៃនេះថា ជំនួបរវាងម្ចាស់ Facebook និងលោកនាយករដ្ឋមន្ត្រីថៃ នឹងធ្វើឡើងនៅថ្ងៃទី៣០ ខែតុលា ឆ្នាំ២០១៧ ដើម្បីពិភាក្សាគ្នាអំពីការពង្រីកវិសាលភាពរបស់ Facebook នៅអាស៊ីអាគ្នេយ៍។

លោក ប្រាយុទ្ធ ចាន់អូចា

លោក Somkid និយាយថា៖ "វាជារឿងល្អដែលម្ចាស់ជំនួញអនឡាញលំដាប់ថ្នាក់ពិភពលោកនឹងមកទស្សនកិច្ចនៅប្រទេសយើង (ថៃ)។ សហគ្រិនអនឡាញជាច្រើនក្នុងសហរដ្ឋអាមេរិក និងប្រទេសចិន កំពុងចាប់អារម្មណ៍ និងស្វែងរកកិច្ចសហការជាមួយអាស៊ាន ដោយក្នុងនោះមានសហគ្រិនជាច្រើនបានពង្រីកសាខារបស់ខ្លួននៅក្នុងប្រទេសសិង្ហបុរី ឥណ្ឌូណេស៊ី និងវៀតណាម។ ចំណែកឯថៃគឺជាប្រទេសក្នុងចំណោមប្រទេសជាច្រើនទៀត ដែលពិភពលោកកំពុងសម្លឹងមើល ដើម្បីចាប់ដៃគូពាណិជ្ជកម្មជាមួយ"៕

ប្រភព៖ Coconut ប្រែសម្រួល៖ ឈាង.