ឈុតដែល សាន ស្រីឡៃ សម្តែងក្នុងរឿង «រាជិនីភូមិគ្រឹះ» នឹងត្រូវកាត់ចោលឬទេ?

2017-10-18 02:38:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក កៅ សីហា អ្នកដឹកនាំសម្តែងរឿង នៅផលិតកម្មរស្មីហង្សមាស បានបញ្ជាក់ថា ឈុតឆាក និងប្លង់មួយចំនួនដែល សាន ស្រីឡៃ សម្តែងក្នុងរឿង "រាជិនីភូមិគ្រឹះ" មិនត្រូវបានកាត់ចោលនោះទេ ទោះនាងបានស្លាប់បាត់បង់ជីវិតទៅហើយក្តី។

លោក កៅ សីហា ក្នុងពិធីបុណ្យសពតារាចម្រៀង សាន ស្រីឡៃ

លោកនិយាយថា ហង្សមាសមិនកាត់ប្លង់ ស្រីឡៃ ថតក្នុងរឿង "រាជិនីភូមិគ្រឹះ" ចោលនោះទេព្រោះនេះគឺជារឿងដំបូង និងចុងក្រោយរបស់របស់ស្រីឡៃ។ ម្យ៉ាងទៀតរឿងនេះនាង ពេញចិត្តសម្ដែងខ្លាំងណាស់គ្រាន់តែខាងហង្សមាសផ្ដល់ដំណឹងឲ្យថតភ្លាមកូនក្រុម ពេជ្រ សោភា រូបនេះឆ្លើយតបយល់ព្រមទទួលថតដោយគ្មានរារែកចិត្តអ្វីបន្តិចឡើយ។

លោក កៅ សីហា និយាយយ៉ាងដូច្នេះថា៖ «ស្រីឡៃ គាត់បានទទួលមរណភាពដោយសារតែប្ដីគាត់បាញ់សម្លាប់អ៊ីចឹង ពេលរឿង "រាជិនីភូមិគ្រឹះ" បញ្ចាំងនៅទូរទស្សន៍ ហង្សមាស ទស្សនិកជនគាត់ប្រាកដជាយល់ ដែលយើងមិនអាចបង្ហាញមុខតួអង្គគាត់នៅវគ្គបន្ទាប់ ដែលមិនទាន់បានថត»។

សាន ស្រីឡៃ កាលនៅរស់

រឿង "រាជិនីភូមិគ្រឹះ" ជាខ្សែភាពយន្តភាគ ដែលមានជាង៦០ ភាគក្នុងនោះ សាន ស្រីឡៃ ថតបានជិត ៥០ ភាគរយហើយ។ រឿងនេះនាងសម្ដែងតួអង្គម្នាក់កាចឆ្នាសឆ្នើម មានឈុតឆាកសម្ដែងតាំងពីដើមរហូតដល់ចប់ផងដែរ។

គួររំលឹកថា រឿង "រាជិនីភូមិគ្រឹះ" ជាប្រភេទខ្សែភាពយន្តមួយរំលេចទិដ្ឋភាព នៅសម័យបារាំង ចូលរួមសម្ដែងដោយ សុគន្ធ នីសា សុខ ស្រីនាង ណុប បាយ៉ារិទ្ធ ហ្សូណូ សូដា នីតា ចន ច័ន្ទលក្ខិណា និងតារាសម្ដែងប្រុសស្រីជាច្រើនរូបទៀត៕

ប្រភព៖ Sabay News អត្ថបទ៖ ឆុង ស៊ីណាន