របរដាំផ្កាស្បៃរឿង កំពុងពេញនិយមខ្លាំងនៅប៉ៃលិន

2017-10-18 07:12:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កសិករមួយចំនួននៅខេត្តប៉ៃលិន បាននាំគ្នាដាំដុះផ្កាស្បៃរឿង ដែលដំណាំថ្មីមួយ កំពុងមានតម្លៃខ្ពស់ ហើយមានទីផ្សារទាំងក្នុងស្រុក និងក្រៅប្រទេស។ ផ្កាស្បៃរឿង ដែលប្រមូលផលបាន ត្រូវនាំចេញទៅលក់នៅថៃប្រមាណ ៩០% ខណៈតម្រូវការក្នុងប្រទេសមានត្រឹម ១០% ប៉ុណ្ណោះ។ នេះបើយោងទីភ្នាក់ងារសារព័ត៌មានកម្ពុជា។

សួនផ្កាស្បៃរឿងនៅខេត្តប៉ៃលិន /រូបភាព៖ A. Jveet

លោក ដឿន សុភី អនុប្រធានមន្ទីរកសិកម្មខេត្តប៉ៃលិន បានឲ្យដឹងកាលពីម្សិលមិញថា ពលរដ្ឋជាច្រើនគ្រួសារកំពុងផ្អើលដាំផ្កាស្បៃរឿងជាបន្តបន្ទាប់គ្នា ដោយអ្នកខ្លះដាំចាប់ពី១ហិកតា រហូតដល់ ៥ហិកតា។

សួនផ្កាស្បៃរឿងនៅខេត្តប៉ៃលិន /រូបភាព៖ A. Jveet

ម្ចាស់ចម្ការផ្កាស្បៃរឿងម្នាក់ឈ្មោះ ពៅ និយាយថា គាត់ដាំដុះផ្កាស្បៃរឿងនេះលើផ្ទៃដី១ហិកតា ដោយទិញពូជពីក្រុមហ៊ុននៅប្រទេសថៃ។ ក្រោយប្រមូលផលបាន ក្រុមហ៊ុននឹងទទួលទិញផ្កាវិញពីគាត់ ទៅតាមតម្លៃទីផ្សារជាក់ស្ដែង។ លោក ពៅ បន្តថា ពូជផ្កាស្បៃរឿង១គ្រាប់ថ្លៃ ១២០រៀល ហើយពេលបានផល អាចលក់ចេញ បាន ១ទងតម្លៃ ១០០រៀល សម្រាប់ប្រភេទផ្កាល្អលេខ១ ឯប្រភេទលេខ២និង៣ លក់១ទងបានពី ២០រៀល ទៅ ៥០រៀល។ ជាចុងក្រោយ លោកបញ្ជាក់ថា ក្នុង១រដូវ លោកអាចប្រមូលផលបានចំនួន ២០ដង៕

អត្ថបទ៖ ឈាង.