គ្មានឡើយ ការជួបគ្នារវាង Mark Zuckerberg និងលោក ប្រាយុទ្ធ

2017-10-18 12:40:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាំពាក្យក្រុមហ៊ុន Facebook ប្រចាំប្រទេសថៃ បានបញ្ជាក់ថា នាយកប្រតិបត្តិក្រុមហ៊ុន Facebook លោក Mark Zuckerberg នឹងមិនជួបជាមួយលោកនាយករដ្ឋមន្ត្រីថៃ ប្រាយុទ្ធ ចាន់អូចា ឡើយ។ ការលើកឡើងនេះ ធ្វើឡើងក្រោយ ២ថ្ងៃ នៃការប្រកាសរបស់រាជរដ្ឋាភិបាលថៃ អំពីជំនួបរវាង បុគ្គលថ្នាក់ដឹកនាំទាំងពីររូប។

លោក Mark Zuckerberg

***«ថ្នាក់ដឹកនាំជាន់ខ្ពស់របស់ពួកយើងគ្មានគម្រោងមកកាន់ប្រទេសថៃនោះទេ»***។ នេះជាសេចក្ដីថ្លែងការណ៍របស់អ្នកនាំពាក្យ Facebook នៅថ្ងៃពុធ ទី១៨ ខែតុលានេះ។

កាលពីថ្ងៃចន្ទ ឧបនាយករដ្ឋមន្ត្រីថៃ លោក Somkid Jatusripitak បានមានប្រសាសន៍ថា លោក Mark Zuckerberg នឹងធ្វើដំណើរទៅដល់ទីក្រុងបាងកក នៅថ្ងៃទី៣០ ខែតុលា ដើម្បីជួបពិភាក្សាស្ដីពីពាណិជ្ជកម្មអេឡិចត្រូនិក។ លោកបន្តថា តំណាងក្រុមហ៊ុនលក់ទំនិញតាមអ៊ីនធឺណិតរបស់វិបសាយ Amazon.com ក៏នឹងមកជួបនាយករដ្ឋមន្ត្រីខ្លួន នៅខែវិច្ឆិកា ផងដែរ៕