រកឃើញក្រុមដែលត្រូវជួបគ្នាវគ្គផ្តាច់ព្រ័ត្រពាន Champions League អាស៊ីហើយ

2017-10-19 01:15:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីម្សិលមិញ គឺជាការជួបគ្នារវាងក្រុម Urawa Red Diamonds និង Shanghai SIPG ក្នុងជើងទីពីរ វគ្គពាក់កណ្ដាលផ្តាច់ព្រ័ត្រ ពានរង្វាន់ AFC Champions League ។ ជាលទ្ធផល ក្រុម Urawa Red Diamonds មកពីជប៉ុន បានយកឈ្នះ Shanghai របស់ចិន ដោយលទ្ធផល ១-០ ធ្វើឲ្យសរុបលទ្ធផលទាំងពីរជើង គឺ ២-១។

ខ្សែប្រយុទ្ធសញ្ជាតិប្រេស៊ីល Rafael Silva

Urawa បានតែតបញ្ចូលទីតាំងពីនាទី១១ ដោយខ្សែប្រយុទ្ធសញ្ជាតិប្រេស៊ីល Rafael Silva នៃការប្រកួតដែលធ្វើឡើងនៅកីឡដ្ឋាន Saitama របស់ខ្លួន កាលពីម្សិលមិញ ហើយលទ្ធផល ១-០ នេះ បានជួយឲ្យពួកគេឈានដល់វគ្គផ្តាច់ព្រ័ត្រ ពានរង្វាន់កំពូលរបស់អាស៊ីនេះជាថ្មី បន្ទាប់ពីពួកគេបានឈ្នះពានរង្វាន់នេះកាលពីឆ្នាំ២០០៧។

សកម្មភាពប្រកួតម្សិលមិញ

ក្រុម Urawa នឹងត្រូវធ្វើដំណើរទៅកាន់រដ្ឋធានី Riyadh របស់ប្រទេសអារ៉ាប៊ីសាអ៊ូឌីត ដើម្បីធ្វើការប្រកួតជើងទីមួយ វគ្គផ្តាច់ព្រ័ត្រ ទល់នឹងក្រុម Al Hilal ដែលជាជើងឯករងពានរង្វាន់ដដែល កាលពីឆ្នាំ២០០៤ នៅថ្ងៃទី១៨ ខែវិច្ឆិកា ឆ្នាំ២០១៧។ បន្ទាប់មក ការប្រកួតជើងទីពីរ នឹងត្រូវធ្វើឡើងក្រោយមួយសប្ដាហ៍។ ប្រសិនបើឈ្នះ Urawa នឹងក្លាយជាក្រុមជប៉ុនដែលគ្រងម្ចាស់ជើងឯក AFC Champions League បន្ទាប់ពីក្រុម Gamba Osaka កាលពីឆ្នាំ២០០៨៕