តើ Leonardo និង ឃួន ឡា បូរ៉ាវី បោះឆ្នោតឲ្យ Ronaldo, Messi ឬ Neymar?

2017-10-24 00:01:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លទ្ធផលនៃពានរង្វាន់កីឡាករល្អបំផុតក្នុងលោក ឬ The Best FIFA Men’s Player ឆ្នាំ២០១៧ បានប្រកាសឲ្យដឹងហើយកាលពីយប់មិញនេះ ដែលជ័យជម្នះបានទៅកីឡាករព័រទុយហ្គាល់ Cristiano Ronaldo ក្រោយទទួលសំឡេងគាំទ្រលើសបេក្ខភាពចុងក្រោយ ២រូបទៀត គឺ Lionel Messi និង Neymar ។

តើគ្រូបង្វឹកជម្រើសជាតិកម្ពុជាដែលទើបចាកចេញពីតំណែង Leonardo Vitorino និងប្រធានក្រុមជម្រើសជាតិកម្ពុជា ឃួន ឡាបូរ៉ាវី បានបោះឆ្នោតឲ្យកីឡាករណាខ្លះ?

បើតាមឯកសាររបស់ FIFA បានឲ្យដឹងថា Leonardo បានបោះឲ្យកីឡាកររួមសញ្ជាតិប្រេស៊ីល Neymar ជាជម្រើសទី១ (ទទួលបាន ៥ពិន្ទុ) Ronaldo ជាជម្រើសទី២ (ទទួលបាន ៣ពិន្ទុ) និង Messi ជាជម្រើសទី៣ (ទទួលបាន ១ពិន្ទុ)។

លោក Leonardo Vitorino

ចំណែកឯ ឃួន ឡាបូរ៉ាវី វិញ បានបោះឆ្នោតឲ្យ Messi ជាជម្រើសទី១, Ronaldo ជាជម្រើសទី២ និង Neymar ជាជម្រើសទី៣។

ឃួន ឡាបូរ៉ាវី

ក្រៅពីគ្រូបង្វឹក និងកីឡាករប្រធានក្រុម កម្ពុជានៅមានអ្នកមានសិទ្ធិបោះឆ្នោត១រូបទៀត គឺលោកអ៊ឹង ចំរើន អ្នកសារព័ត៌មានដែល FIFA បានជ្រើសរើស។ លោក អ៊ឹង ចំរើន បានបោះឲ្យ Cristiano Ronaldo ជាជម្រើសទី១ Harry Kane ជម្រើសទី២ និង Lionel Messi ជម្រើសទី៣។

លោកអ៊ឹង ចំរើន (រូបភាព៖ Facebook)

ជាសរុបរួម Ronaldo បានទទួល ១១ពិន្ទុពីកម្ពុជា, Messi ទទួលបាន ៧ពិន្ទុ, Neymar ទទួលបាន ៦ពិន្ទុ និង Harry Kane ទទួលបាន ៣ពិន្ទុ។

គួរបញ្ជាក់ថា ជាលទ្ធផល Ronaldo បានក្លាយជាម្ចាស់ពាន The Best FIFA Men’s Player ក្រោយទទួលសំឡេងគាំទ្រសរុប ៤៣,១៦% ខណៈ Messi បាន ១៩,២៥% និង Neymar បាន ៦,៩៧%៕