យល់ដឹងពីប្រភេទកាមេរ៉ាឌីជីថល និងប្រភេទដែលសក្ដិសមសម្រាប់អ្នក
- 2017-10-25 08:28:51
- ចំនួនមតិ 0 | ចំនួនចែករំលែក 0
យល់ដឹងពីប្រភេទកាមេរ៉ាឌីជីថល និងប្រភេទដែលសក្ដិសមសម្រាប់អ្នក
ចន្លោះមិនឃើញ
កាមេរ៉ាឌីជីថល ត្រូវបានចែកជាច្រើនប្រភេទផ្សេងៗគ្នា។ ដូច្នេះ ការជ្រើសរើសប្រភេទដែលសក្តិសមនឹងថវិកា ឬ ចំណង់ចំណូលចិត្តរបស់អ្នក គឺជារឿងចាំបាច់បំផុត។ ខាងក្រោមនេះ ជាប្រភេទកាមេរ៉ាឌីជីថល ទាំងនោះ៖
១- Standard Compact
វាជាប្រភេទ Point and Shoots ដែលបង្កភាពងាយស្រួលក្នុងការថត មិនបានភាពស្មុគស្មាញច្រើន។ ចំពោះតម្លៃវិញ ប្រភេទ Standard Compact នេះ ក៏មិនថ្លៃដែរ (ថ្លៃបំផុត ៤០០ដុល្លារនៅបរទេស) ហើយមានទំហំតូច ស្រាលស្រួលកាន់ផងដែរ។
២- Zoom Compact
កាមេរ៉ានេះ មានលក្ខណៈស្រដៀងទៅនឹង Standard Compact ដែរ គ្រាន់តែវាអាច Zoom បានរហូតដល់ 30x ។ ហើយ វាមានមុខងារច្រើនជាង Standard Compact បន្តិចបន្តួច។ ម៉ូដែលថ្លៃបំផុត អាចដល់ ៥០០ដុល្លារ។
៣- Adventure Camera
ពពួកនេះ ត្រូវបានផលិតឡើងសម្រាប់អ្នកចូលចិត្តធ្វើដំណើរកម្សាន្តបែបផ្សងព្រេង ដោយវាអាចធន់នឹងទឹក ឆក់ និងភាពកក។ ម៉ូដែលទំនើបបំផុតអាចដល់ ៥០០ដុល្លារ។
៤- Advanced Compact
វាជាប្រភេទកាមេរ៉ាសម្រាប់អ្នកថតរូបអាជីព និងសម្រាប់អ្នកដែលត្រូវការភាពបត់បែនតានកាលៈទេសៈ គុណភាព និងមុខងារពិសេសៗជាច្រើនទៀត។ ពពួកកាមេរ៉ានេះ អាចមានតម្លៃដល់ខ្ទង់ ១០០០ដុល្លារ។
៥- Super-Zoom
Super Zoom ស្ទើរតែត្រូវបានគេបោះបង់ចោលក្នុងរយៈពេលប៉ុន្មានឆ្នាំចុងក្រោយនេះ។ វាត្រូវបានគេហៅថា ជាស្ពាន ឬ ចំណុចកណ្ដាល ដែលស្ថិតនៅចន្លោះរវាងកាមេរ៉ា Compact និង DSLR ។ នៅបរទេស វាអាចមានតម្លៃដល់ ៧០០ដុល្លារ។
៦- កាមេរ៉ាស្មាតហ្វូន
ជាប្រភេទកាមេរ៉ា ដែលត្រូវបានបំពាក់នៅលើស្មាតហ្វូននានា នាពេលបច្ចុប្បន្ន។ តម្លៃរបស់វា បានគិតជាមួយតម្លៃរបស់ស្មាតហ្វូននោះ រួចជាស្រេច។
៧- Mirrorless Camera
Mirrorless អាចចាត់ទុកជាប្រភេទ Compact Camera បាន គ្រាន់តែវាអាចផ្លាស់ប្ដូរ Lens (កែវ) បាន។ ដូច្នេះ អ្នកថតរូបអាជីពអាចដាក់វាតាមខ្លួនបានយ៉ាងងាយស្រួល ដោយសារទំហំតូច ស្រាល ជាពិសេសពួកគេអាចបំពាក់ជាមួយ Lens ដើម្បីថតរូបទៅតាមស្ថានភាពជាក់ស្ដែង។ ចំពោះតម្លៃ គឺថោកជាងប្រភេទ DSLR ។
៨- DSLR
ពួកវាជាជម្រើសរបស់អ្នកថតរូបទូទៅ និងអ្នកថតអាជីព តាំងពីចេញជាលើកដំបូងក្នុងទសវត្សរ៍ឆ្នាំ១៩៩០។ DSLR បង្កើតរូបភាពដ៏មានគុណភាព អាចប្ដូរ Lens បាន និងមានមុខងារផ្សេងៗជាច្រើនទៀត។ កាមេរ៉ាប្រភេទនេះ ត្រូវបានចែកជាពពួក APS-C ឬ Full-Frame Sensor។ តម្លៃចាប់ផ្ដើមពី ៤០០ដុល្លារឡើងទៅ៕