SONY បញ្ចេញ A7R III ដើម្បីឡើងគ្រងតំណែងស្ដេចកាមេរ៉ា
- 2017-10-26 07:50:37
- ចំនួនមតិ 0 | ចំនួនចែករំលែក 0
SONY បញ្ចេញ A7R III ដើម្បីឡើងគ្រងតំណែងស្ដេចកាមេរ៉ា
ចន្លោះមិនឃើញ
ទីបំផុត SONY បានប្រកាសចេញកាមេរ៉ាស៊េរីថ្មីរបស់ខ្លួន ម៉ូដែល SONY A7R III ដែលត្រូវបានចាត់ទុកជាប្រភេទកាមេរ៉ា Mirrorless ដ៏ល្អបំផុតនៅក្នុងលោក។ SONY បានអះអាងថា ខ្លួននឹងបញ្ចេញលក់នៅខែវិច្ឆិកា ឆ្នាំ២០១៧ ក្នុងតម្លៃ ៣២០០ ដុល្លារអាមេរិក។
A7R III ប្រើប្រាស់ Sensor ទំហំ 42.4 MP ប្រភេទ Full-Frame ដែលមាននៅលើ SONY A9 ចេញកាលពីដើមឆ្នាំ២០១៧ ដែលមានតម្លៃជាង ៤០០០ដុល្លារឯណោះ។ ម៉ូដែលថ្មីដែលទើបតែប្រកាសនេះ អាចថតបាន ១០សន្លឹកក្នុងមួយវិនាទី ទាំងប្រភេទរូប RAW ឬ JPEG ។ ពិសេស A7R III មានអេក្រង់ LCD បង្ហាញរូបភាពក្នុងកម្រិត ៣,៦៩ លានចំណុចដូច A9 ដែរ។
ចំពោះ Autofocus វិញ កាមេរ៉ានេះអាចចាប់បានល្អចំពោះវត្ថុនានាដែលមានចលនាលឿន។ វាមាន Phase Autofocus ៣៩៩ចំណុច និង Contrast Autofocus ៤២៥ចំណុច ដែលធ្វើឲ្យ A7R III ចាប់យករូបភាពបានល្អនៅទីតាំងខ្សោយពន្លឺ។ SONY បានបំពាក់ ប្រព័ន្ធដំណើរការ BIONZ X ដែលធ្វើឲ្យវាលឿនជាង ម៉ូដែលចាស់ A7R II ចំនួន ១,៨ ដង។ A7R III មាន ISO Range ពី 100-32000 ដែលអាចពង្រីកទៅជា 50-102400 បាន។
ចំណែក ថាមពលថ្ម វាប្រើប្រាស់ថ្មដែលមានសមត្ថភាពខ្លាំងដូច SONY A9 ដែរ ដូច្នេះគេអាចថតបានយូរ។ លើសពីនេះ SONY ក៏បានបន្ថែម Joystick សម្រាប់បញ្ជាលើ A7R III ផងដែរ។
គេអាចថតវីដេអូជាមួយកាមេរ៉ានេះ ក្នុងកម្រិត 4K 24 ឬ 30 PFS និង 1080P 120 FPS ។ ហើយ SONY បានប្រើរន្ធ USB Type-C ក្នុងការបញ្ជូនវីដេអូ និងរូបភាពចេញពីកាមេរ៉ាទៅកាន់កុំព្យូទ័របានយ៉ាងងាយ៕