កាំកុងត្រូល ប្រកាស​កុំ​ឲ្យ​​ពលរដ្ឋ​ទទួល​ទាន​ផលិតផល​ពងត្រី​មួយ​ប្រភេទ

  • 2017-11-02 08:27:15
  • ចំនួនមតិ 0 | ចំនួនចែករំលែក 0

ចន្លោះមិនឃើញ


យោង​តាម​ការ​ប្រកាស​របស់​អគ្គនាយកដ្ឋាន​កាំកុងត្រូល​នៃ​ក្រសួង​ពាណិជ្ជកម្ម បាន​ឲ្យ​ដឹង​ថា ក្រុមហ៊ុន International House of Caviar បាន​ប្រមូល​ត្រឡប់​មក​វិញ​នូវ​ផលិតផល​ពងត្រី Rainbow Trout Caviar ពី​ទីផ្សារ​កាណាដា។ ការ​ប្រមូល​នេះ បន្ទាប់​ពី​រក​ឃើញ​ករណី​ដែល​អាច​មាន​ការ​លូតលាស់​បាក់តេរី Clostridium botullinum នៅ​ក្នុង​ផលិត​ពង​ត្រី​នេះ។

ស្ដ័រ​របស់​បាក់តេរី​​នេះ អាច​លូត​លាស់​ដុះដាល និង​ផលិត​សារធាតុ​ពុល​ខ្លាំង​ចំពោះ​កោសិកា​សរសៃ​ប្រសាទ ដែល​នឹង​បង្ក​គ្រោះថ្នាក់​ដល់​សុខភាព​មនុស្ស ហើយ​ក្នុង​ករណី​ធ្ងន់ធ្ងរ​អាច​បណ្ដាល​ឲ្យ​ស្លាប់​បាន។ ជុំវិញ​បញ្ហា​នេះ អគ្គនាយកដ្ឋាន​កាំកុងត្រូល បាន​និង​កំពុង​ចាត់​វិធានការ​ដូចជា៖

  • រាំង​ខ្ទប់​មិន​ឲ្យ​នាំ​ចូល​ផលិតផល​ដូចជា​អធិប្បាយ​ខាង​លើ។

  • ផ្ដល់​ព័ត៌មាន​ដល់​ក្រុមហ៊ុន​នាំ​ចូល អាជីវករ​លក់​ដុំ-រាយ ក្នុង​ករណី​មាន​ការ​នាំ​ចូល និង​មាន​ចរាចរណ៍​លើ​ទីផ្សារ។

  • ត្រួត​ពិនិត្យ​នៅ​តាម​ទីផ្សារ​ធំ-តូច ផ្សារ​ទំនើប ដើម្បី​សម្របសម្រួល និង​មាន​វិធានការ​តាម​នីតិវិធី ប្រសិន​បើ​មាន​ការ​ដាក់​តាំង​លក់​ផលិតផល​ខាង​លើ៕

អត្ថបទ៖ ឈាង.

អត្ថបទថ្មី
;