បេក្ខភាពបវរកញ្ញាពិភពលោក ចូលរួមសកម្មភាពកិច្ចគាំពារបរិស្ថាននៅស្រុកអូររាំងឪ

2017-11-06 00:02:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងបរិស្ថាន នារសៀលថ្ងៃទី៥ ខែវិច្ឆិកា ម្សិលមិញនេះ បានរៀបចំសន្និសីទសារព័ត៌មាន ស្តីពីដំណើរទស្សនកិច្ចរបស់ជយលាភីបវរកញ្ញាពិភពលោក (Miss Global) ឆ្នាំ២០១៦ និងបេក្ខភាពបវរកញ្ញាពិភពលោក ឆ្នាំ២០១៧ នៅកម្ពុជា។

គោលបំណងនៃដំណើរទស្សនកិច្ចនេះ គឺដើម្បីចូលរួមក្នុងវិស័យបរិស្ថាន ជាមួយក្រសួងបរិស្ថាន ទៅកាន់ស្រុកអូររាំងឪ ខេត្តត្បូងឃ្មុំ នៅថ្ងៃទី៦ ខែវិច្ឆិកា ស្អែកនេះ។

លោក អ៊ាង សុផល្លែត អនុរដ្ឋលេខាធិការក្រសួងបរិស្ថាន និងជាតំណាងលោករដ្ឋមន្រ្តី សាយ សំអាល់ ព្រមទាំងប្រតិភូបវរកញ្ញាពិភពលោក ឆ្នាំ ២០១៧ និងបេក្ខភាពបវរកញ្ញាពិភពលោក ឆ្នាំ ២០១៧។

ការរៀបចំសន្និសីទសារព័ត៌មាននេះ គឺដើម្បីផ្សព្វផ្សាយពីការចូលរួមរបស់បវរកញ្ញាពិភពលោក ជាមួយវិស័យបរិស្ថាននៅកម្ពុជា ផ្សព្វផ្សាយពីវប្បធម៌ ស្ថានភាពការរស់នៅពីតំបន់នីមួយៗ ក៏ដូចជាបង្កើនការចូលរួមពីសំណាក់បវរកញ្ញាទាំង ៦៥រូប មកពី ៦៥ប្រទេសផ្សេងៗគ្នាផងដែរ៕