បេក្ខភាពបវរកញ្ញាពិភពលោក បង់កក្រមាខ្មែរ រាំចង្វាក់ប្រពៃណី ក្រោយត្រឡប់ពីត្បូងឃ្មុំ
- 2017-11-07 02:15:43
- ចំនួនមតិ 0 | ចំនួនចែករំលែក 0
បេក្ខភាពបវរកញ្ញាពិភពលោក បង់កក្រមាខ្មែរ រាំចង្វាក់ប្រពៃណី ក្រោយត្រឡប់ពីត្បូងឃ្មុំ
ចន្លោះមិនឃើញ
បន្ទាប់ពីបញ្ចប់ទស្សនិកជន នៅស្រុកអូររាំងឪ ខេត្តត្បូងឃ្មុំរួចមក ល្ងាចថ្ងៃទី៦ ខែវិច្ឆិកាម្សិលមិញនេះ ស្រីស្អាតបេក្ខភាព Miss Global International 2017 ត្រូវបានក្រសួងបរិស្ថានធ្វើពិធីជប់លៀងជូន។ នៅក្នុងពិធីនោះ គេសង្កេតឃើញពួកគេ បង់កក្រមាខ្មែរ និងរាំចង្វាក់ប្រពៃណីខ្មែរ ដូចជារាំវង់ រាំក្បាច់ សារ៉ាវ៉ាន់ ឡាំលាវ យ៉ាងសប្បាយរីករាយ។
គួរបញ្ជាក់ផងដែរថា នៅក្នុងដំណើរទស្សនកិច្ចនៅឃុំមួយចំនួន ក្នុងស្រុកអូររាំងឪ ខេត្តត្បូងឃ្មុំ បេក្ខភាព Miss Global ទាំង ៦៥ប្រទេស បានទៅសាលារៀន វត្ត ផ្សារ ហើយជាពិសេសនោះ គឺបានចូលរួមដាល់អំបុកស្រូវថ្មី ជាមួយពលរដ្ឋថែមទៀតផង។
ក្រៅពីទស្សនកិច្ចនៅខេត្តត្បូងឃ្មុំ បេក្ខភាពបវរកញ្ញាពិភពលោក គ្រោងទៅទស្សនកិច្ចបន្ត នៅខេត្តសៀមរាប ព្រះសីហនុ ភ្នំបូកគោ (កំពត) ជាដើម។
Miss Global International ជាកម្មវិធីប្រកួតសម្រស់អន្តរជាតិមួយ ដែលមានការបញ្ជ្រាបការយល់ដឹងពីបរិស្ថាន។ តាមការឲ្យដឹងពីអ្នករៀបចំ កម្មវិធីនេះបានធ្វើឡើងចំនួន៥លើកមកហើយនៅប្រទេសមួយចំនួនក្នុងពិភពលោក។ សម្រាប់នៅឆ្នាំ២០១៧នេះ ប្រទេសកម្ពុជា គឺជាម្ចាស់ផ្ទះ ហើយក៏ជាលើកដំបូងរបស់កម្ពុជាផងដែរ។ កម្មវិធីចាប់គ្រោងបញ្ចប់នៅថ្ងៃទី១៧ ខែ វិច្ឆិកា ឆ្នាំ២០១៧។
កញ្ញា យស ប៉ូលីណា តំណាងកម្ពុជា ត្រូវបានជ្រើសរើសឲ្យចូលរួមប្រកួតកម្មវិធីបវរកញ្ញាពិភពលោកនេះ។ ប៉ូលីណា មានវ័យ២៥ឆ្នាំ នាងមានឈាមជ័រខ្មែរ-អាមេរិក ដោយសព្វថ្ងៃរស់នៅក្រុង San Francisco រដ្ឋ California សហរដ្ឋអាមេរិក៕