កម្ពុជា នឹងរៀបចំប្រដាល់គុនខ្មែរអន្តរជាតិជាលើកដំបូង
- 2017-11-11 06:09:29
- ចំនួនមតិ 0 | ចំនួនចែករំលែក 0
កម្ពុជា នឹងរៀបចំប្រដាល់គុនខ្មែរអន្តរជាតិជាលើកដំបូង
ចន្លោះមិនឃើញ
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បានថ្លែងឲ្យដឹងថា សហព័ន្ធកីឡាប្រដាល់គុនខ្មែរ នឹងសហការជាមួយសហព័ន្ធប្រដាល់គុនខ្មែរអន្តរជាតិ ដើម្បីរៀបចំការប្រកួតប្រដាល់គុនខ្មែរអន្តរជាតិ ជាលើកដំបូង នៅពហុកីឡដ្ឋានជាតិ រាជធានីភ្នំពេញ។ នេះជាការឲ្យដឹងពីគណៈកម្មាធិការជាតិអូឡាំពិកកម្ពុជា។
តាមការគ្រោងទុក ការប្រកួតនឹងធ្វើឡើងចាប់ពីថ្ងៃទី៧ ដល់ ១០ ខែធ្នូ ឆ្នាំ២០១៧។ គោលបំណងសំខាន់ពីរនៃព្រឹត្តិការណ៍នេះ គឺ ទី១ បំផុសឲ្យប្រទេសជិតខាងចូលរួម និងគាំទ្រ។ ទី២ គឺជាការចាប់ផ្ដើមមួយដើម្បីឲ្យព្រឹត្តិការណ៍នេះ ក្លាយជាកម្មវិធីប្រចាំឆ្នាំតែម្ដង។
ចំពោះការប្រកួត នឹងត្រូវចែកជា ៣ប្រភេទ គឺ ប្រភេទអាជីព ប្រភេទពាក់កណ្ដាលអាជីព និងប្រភេទប្រដាល់ស្ម័គ្រចិត្ត។ ប្រទេសចូលរួមមាន ៩ គឺ អូស្ត្រាលី បារាំង អ៊ុយក្រែន អ៊ីរ៉ង់ នេប៉ាល់ វៀតណាម ថៃ និង ឡាវ ព្រមទាំងកម្ពុជាដែលជាម្ចាស់ផ្ទះ៕