Alibaba បង្កើតកំណត់ត្រាថ្មី ក្នុងការលក់នៅទិវាសម្រាប់អ្នកដែលគ្មានដៃគូ

2017-11-11 07:51:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី១១ ខែវិច្ឆិកា ឆ្នាំ២០១៧ ក្រុមហ៊ុនលក់ផលិតផលតាមអនឡាញរបស់ចិន Alibaba បានបំបែកកំណត់ត្រាចាស់របស់ខ្លួន ដោយលក់ផលិតផលបានចំនួន ១៨ពាន់លានដុល្លារ ក្នុងរយៈពេលត្រឹមតែជាង ១៣ម៉ោងប៉ុណ្ណោះ នាឱកាសទិវាសម្រាប់អ្នកដែលគ្មានដៃគូ "Singles Day” នៅប្រទេសចិន។

ការបញ្ជាទិញលើ Alibaba

តួលេខខាងលើ បានធ្វើឲ្យ Alibaba របស់មហាសេដ្ឋី Jack Ma បំបែកកំណត់ត្រាចាស់របស់ខ្លួន ដែលលក់បានត្រឹម ១៧,៨ ពាន់លានដុល្លារប៉ុណ្ណោះ ក្នុងរយៈពេល ២៤ម៉ោង នៅក្នុងទិវាដដែល កាលពីឆ្នាំ២០១៦។ ត្រឹមរយៈពេល ២នាទី ឈានចូលថ្ងៃទី១១ ខែវិច្ឆិកា ឆ្នាំ២០១៧ ការលក់នៅលើវេបសាយ Alibaba រកចំណូលបាន ១ពាន់លានដុល្លារ។

ទិវាសម្រាប់អ្នកដែលគ្មានដៃគូ គឺជាពេលវេលាមួយដែល Alibaba ធ្វើការបញ្ចុះតម្លៃលើផលិតផលនានា ដែលបានប្រារព្ធឡើងតាំងពីឆ្នាំ២០០៩ មកម្ល៉េះ៕