វីរកីឡាការិនី កែ ឡេង ប្រាប់ពីផលលំបាក មុនក្លាយជាម្ចាស់មេដាយមាសពិភពលោកលើកទី៣

2017-11-14 03:34:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វីរកីឡាការិនីកម្ពុជា កែ ឡេង មុនពេលឈ្នះមេដាយមាសពិភពលោកនៅប្រទេសចិន កាលពីសប្ដាហ៍មុន បានជួបឧបសគ្គជាច្រើនទម្រាំបាននាំមេដាយមួយនេះជូនប្រទេសជាតិ។

វីរកីឡាការិនីកម្ពុជា កែ ឡេង មកដល់មាតុភូមិ កាលពីយប់ថ្ងៃទី១៣ វិច្ឆិកា ២០១៧

អ្នកស្រី កែ ឡេង ឲ្យដឹងនៅព្រលានយន្តហោះអន្តរជាតិភ្នំពេញ កាលពីយប់មិញថា ក្នុងចំណោមការប្រកួតជើងឯកពិភពលោកទាំង៣លើកកន្លងមក ការប្រកួតនៅប្រទេសចិននេះ ជាការលំបាកបំផុតសម្រាប់អ្នកស្រី។ ទី១ អាកាសធាតុដែលត្រជាក់ខ្លាំងបំផុតគឺចន្លោះពី ៨-១២ អង្សា។ ទី២ គឺទីលានប្រកួតដែលធ្វើឡើងនៅកណ្ដាលវាល ហើយត្រូវប្រកួតក្រោមភ្លៀងរលឹមៗទៀតផង។

ម្ចាស់មេដាយមាសពិភពលោក៣ជំនាន់រូបនេះបន្ថែមថា បើទោះជាមានឧបសគ្គច្រើនដូចនេះ ប៉ុន្តែអ្នកស្រី រួមទាំងកីឡាការិនីដ៏ទៃទៀត មិនបោះបង់នោះទេ ពោលគឺប្រជុំពិភាក្សាគ្នាជាមួយគ្រូធ្វើយ៉ាងណាត្រូវតែជម្នះប្រកួតយកមេដាយជូនប្រទេសជាតិឲ្យទាល់តែបាន។

នេះជាលើកទី៣ហើយដែលកីឡាការិនី កែ ឡេង ឈ្នះមេដាយមាសពិភពលោកជាប់ៗគ្នា បន្ទាប់ពីឈ្នះឆ្នាំ ២០១៣ នៅប្រទេសបារាំង និងឆ្នាំ២០១៥ នៅប្រទេសថៃ។ ក្រៅពីមេដាយមាស កម្ពុជាក៏ឈ្នះមេដាយសំរឹទ្ធ១គ្រឿងទៀតដែរក្នុងព្រឹត្តិការណ៍ប្រកួតជើងឯកពិភពលោកនៅប្រទេសចិននេះ៕