តើលោកកឹម សុខា នឹងត្រូវនាំមកសវនាការនៅភ្នំពេញដែរឬទេ ស្អែកនេះ?

2017-11-15 09:22:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ចាន់ គឹមសេង អគ្គនាយកដ្ឋានពន្ធនាគារនៃក្រសួងមហាផ្ទៃ បានប្រាប់ខ្លីៗឲ្យដឹងនៅថ្ងៃទី១៥ ខែវិច្ឆិកានេះថា ខាងអគ្គនាយកដ្ឋានពន្ធនាគារ មិនបានទទួលការបង្គាប់បញ្ជាពីតុលាការកំពូលឲ្យនាំខ្លួនលោកកឹម សុខា ប្រធានគណបក្សសង្គ្រោះជាតិ ដើម្បីមកចូលរួមនៅក្នុងសវនាការ រឿងក្តីប្តឹងរំលាយគណបក្សសង្គ្រោះជាតិនោះទេ គិតត្រឹមម៉ោង ១១ព្រឹកនេះ។

លោក ចាន់ គឹមសេង សង្កត់ធ្ងន់ថា ទាល់តែមានបញ្ជាពីតុលាការ ទើបបានខាងពន្ធនាគារនាំលោកកឹម សុខា ទៅកាន់តុលាការកំពូលបាន។

លោក កឹម សុខា (រូបភាពឯកសារ)

គួរបញ្ជាក់ថា នៅព្រឹកថ្ងៃទី១៦ ខែវិច្ឆិកាស្អែកនេះ តុលាការកំពូលនឹងបើកសវនាការលើបណ្តឹងរបស់ក្រសួងមហាផ្ទៃ ប្តឹងសុំរំលាយគណបក្សសង្គ្រោះជាតិ។ សវនាការនេះ គណបក្សសង្គ្រោះជាតិ មិនបានដាក់មេធាវីចូលការពារនោះទេ។ ចំណែកមេធាវីតំណាងឲ្យក្រសួងមហាផ្ទៃ នឹងចូលរួមក្នុងសវនាការ ដើម្បីការពារលើបណ្តឹងរបស់ខ្លួន។

លោក កឹម សុខា ប្រធានគណបក្សសង្រ្គោះជាតិ ត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារត្រពាំងផ្លុង ខេត្តត្បូងឃ្មុំ កាលពីថ្ងៃ៣ ខែកញ្ញាកន្លងទៅ ក្រោយរងការចោទប្រកាន់ពីបទក្បត់ជាតិ៕