នាយកបច្ចេកទេស Chonburi ទម្លាយពីការទាក់ទង ច្រឹង ពលរដ្ឋ ទៅលេងក្លឹបរបស់ខ្លួន

2017-11-21 01:27:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់ថៃ Chonburi FC បានដាក់គោលដៅដើម្បីនាំយកខ្សែបម្រើកម្ពុជា ច្រឹង ពលរដ្ឋ ទៅលេងនៅក្លឹបរបស់ខ្លួន បន្ទាប់ពីទទួលបរាជ័យក្នុងការទិញយុវជនវ័យក្មេងរបស់ឥណ្ឌូណេស៊ី Evan Dimas ពីក្លឹប Persebaya Surabaya ។

យោងតាមសារព័ត៌មានថៃ Thsports កាលពីម្សិលមិញបានចុះផ្សាយថា នាយកផ្នែកបច្ចេកទេសរបស់ Chonburi FC លោក Withaya Laohakul បានទម្លាយប្រាប់ថា លោកបានទាក់ទង ច្រឹង ពលរដ្ឋ អំឡុងព្រឹត្តិការណ៍ស៊ីហ្គេម ឆ្នាំ២០១៧ ដែលបានរៀបចំឡើងនៅទីក្រុងកូឡាឡាំពួរ ប្រទេសម៉ាឡេស៊ី កាលពីខែសីហាកន្លងទៅ។

ទន្ទឹមនេះ អ្នកចាត់ការក្លឹបក្រសួងការពារជាតិលោក ខូវ ឆាយ បានប្រាប់ដល់សារព័ត៌មានភាសាអង់គ្លេស TheMorning ថា លោកបានជួបប្រជុំជាមួយតំណាងក្លឹប Chonburi ដើម្បីពិភាក្សាសម្រេចពីអនាគតរបស់ខ្សែបម្រើខាងលើ។

ទោះជាយ៉ាងណា លោកបញ្ជាក់ថា មិនទាន់មានការសម្រេចចុងក្រោយណាមួយនៅឡើយទេ។ ប៉ុន្តែក្លឹបមកពីលីគកំពូលថៃមួយនេះ ពិតជាចាប់អារម្មណ៍លើ ច្រឹង ពលរដ្ឋ ប្រាកដមែន៕