តារាស្រីម្នាក់ ត្រូវជាប់ពន្ធនាគារ ដោយសារថតចម្រៀង មានឈុតញ៉ាំផ្លែចេក

2017-11-22 08:29:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាចម្រៀងស្រីសញ្ជាតិអេហ្ស៊ីបម្នាក់ឈ្មោះ Shaimaa Ahmed (ឬហៅថា Shyma) ត្រូវបានប៉ូលិសចាប់ខ្លួន រួចឃុំឃាំងក្នុងពន្ធនាគាររយៈពេល១សប្ដាហ៍។ ការចាប់ខ្លួននេះ ព្រោះតែនាង Shyma បានថតបទចម្រៀងមួយមានចំណងជើងថា "I Have Issues" ដែលមានការសម្ដែងឈុតញ៉ាំផ្លែចេកយ៉ាងស្រើបស្រាល។

វីដេអូចម្រៀងរបស់ Shyma ក្រោយបង្ហោះលើអនឡាញ មិនបានប៉ុន្មានម៉ោងផង កើនចំនួនអ្នកទស្សនាដល់ទៅ ១លានដងបាត់ទៅហើយ។ យ៉ាងណាមិញ កាយវិការនៅក្នុងបទថ្មីនេះ ត្រូវក្រុមអភិរក្សនិយមរិះគន់យ៉ាងចាស់ដៃថា មានបង្កប់នូវន័យអាសអាភាស។ ទន្ទឹមនឹងនេះ ក៏មានបណ្ដឹងជាច្រើនចោទប្រកាន់ទៅលើ Shyma ផងដែរ ដែលជាហេតុបណ្ដាលឲ្យមានការឃុំខ្លួននាងនៅក្នុងពន្ធនាគារយ៉ាងដូច្នេះ។

បទ "I Have Issues" ត្រូវបានដកចេញពីបណ្ដាញសង្គមនានាហើយ ឯគណនីហ្វេសប៊ុករបស់ Shyma ក៏បានបិទជាបណ្ដោះអាសន្នផងដែរ៕

ប្រភព៖ Dailymail ប្រែសម្រួល៖ ឈាង.