NASA បញ្ចប់បេសកកម្មយានអវកាសនៅភពមួយក្នុងប្រព័ន្ធព្រះអាទិត្យ

2017-11-23 03:30:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទីភ្នាក់ងារអវកាស NASA បានផ្អាកការសិក្សាស្រាវជ្រាវ តាមរយៈរូបថតដែលថតចេញពីយានអវកាស Cassini នៅភពសៅរ៍ បន្ទាប់ពីយានអវកាសនេះបានអស់ថាមពល។

Cassini បានថតយកទិដ្ឋភាពជាច្រើន នៅក្នុងបេសកកម្មរបស់វា មុនវាធ្លាក់ចូលទៅក្នុងភពសៅរ៍ កាលពីថ្ងៃទី១៥ ខែកញ្ញា ឆ្នាំ២០១៧។ វាបានទៅដល់ភពសៅរ៍ តាំងពីឆ្នាំ២០០៤ ហើយក៏ជាយានអវកាសតែមួយគត់ដែលបានទៅសិក្សានៅភពដ៏ធំមួយនេះ នៅក្នុងប្រព័ន្ធព្រះអាទិត្យ។

តាមរយៈរូបថតចុងក្រោយដដែល គេអាចដឹងពីទីតាំងព្រះចន្ទរបស់ភពសៅរ៍មួយចំនួន ដែលមានឈ្មោះដូចជា Prometheus, Pandora, Epimetheus, Janus, Enceladus និង Mimas ។

ទោះជាយ៉ាងណា NASA នឹងបន្តធ្វើការសិក្សាលើទិន្នន័យដែលខ្លួនទទួលបានកន្លងមកពីយាន Cassini ដើម្បីស្វែងរកព័ត៌មានសំខាន់បន្ថែមទៀត ក្នុងរយៈពេលច្រើនទសវត្សរ៍ខាងមុខ៕

ប្រភព៖ Mashable ប្រែសម្រួល៖ លាភ.