គណបក្សយុវជនកម្ពុជា ប្រកាសទទួលយកអាសនៈក្រុមប្រឹក្សាឃុំសង្កាត់របស់ CNRP

2017-11-23 04:37:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណបក្សយុវជនកម្ពុជា របស់លោក ពេជ្រ ស្រស់ បានយល់ព្រមក្នុងការទទួលយកអាសនៈក្រុមប្រឹក្សាឃុំ-សង្កាត់ ដែលនៅទំនេរពីការបោះឆ្នោតឆ្នាំ២០១៧។ នេះបើតាមលិខិតរបស់គណបក្សយុវជនកម្ពុជា ផ្ញើទៅលោក ស៊ិក ប៊ុនហុក ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី២៣វិច្ឆិកានេះ។

លោក ពេជ្រ ស្រស់ ប្រធានគណបក្សយុវជនកម្ពុជា (រូបថត៖ ហ្វេសប៊ុក)

គួរបញ្ជាក់ថា ការបែងចែកអាសនៈក្រុមប្រឹក្សាឃុំសង្កាត់នេះ ធ្វើឡើងបន្ទាប់ពីតុលាការកំពូល បានចេញសាលដីកាសម្រេចរំលាយគណបក្សសង្គ្រោះជាតិ កាលពីថ្ងៃទី១៦ ខែវិច្ឆិកា។

លោក ពេជ្រ ស្រស់ បានសរសេរបញ្ជាក់នៅលើទំព័រហ្វេសប៊ុក កាលពីថ្ងៃទី២១ វិច្ឆិកាថា «ក្រោយពីទទួល លិខិតជូនដំណឹងរបស់ គ.ជ.ប អំពីការបែងចែកអាសនៈ ឃុំ-សង្កាត់ យើងក្រុមការងារនៃគណបក្សយុវជនកម្ពុជា បានសម្រេចលើសំឡេងភាគច្រើន ដោយនឹងទទួលយកអាសនៈឃុំ -សង្កាត់ ដែលច្បាប់ចែកឲ្យស្របតាមបច្ចេកទេស នៃច្បាប់ជាធរមាន»៕