ផ្កាយរណបរុស្ស៊ី បាត់ការទាក់ទងភ្លាមៗ ក្រោយត្រូវបានបាញ់បង្ហោះ

2017-11-29 01:12:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រុស្ស៊ី បានបាត់ការទាក់ទងជាមួយផ្កាយរណបដ៏សំខាន់១ នាពេលប៉ុន្មានម៉ោងប៉ុណ្ណោះ បន្ទាប់ពីផ្កាយរណបនោះត្រូវបានបាញ់បង្ហោះចូលទៅក្នុងអវកាស។

គ្រាប់រ៉ុកកែត Soyuz ដែលនាំផ្កាយរណប M2-1 ទៅកាន់គន្លងផែនដី

ផ្កាយរណបនោះឈ្មោះថា M2-1 មានបេសកកម្មនៅលើអវកាសរយៈពេល ៥ឆ្នាំត្រួតពិនិត្យអាកាសធាតុ ហើយក៏ជាផ្នែក១នៃផែនការរុករកអវកាសរបស់រុស្ស៊ីផងដែរ។ វាត្រូវបានបាញ់បង្ហោះដោយគ្រាប់រ៉ុកកែត Soyuz កាលពីថ្ងៃទី២៨ វិច្ឆិកាម្សិលមិញ ចេញពីមជ្ឈមណ្ឌលអវកាសរុស្ស៊ី Vostochny ជិតព្រំដែនប្រទេសចិន។

ផ្កាយរណប M2-1

ភ្នាក់ងារអវកាសរុស្ស៊ី ROSCOMOS បានឲ្យដឹងថា ផ្កាយរណបនោះ បានបាត់ការទាក់ទង ទាំង មិនទាន់បានទៅដល់គន្លងផែនដីដែលជាគោលដៅរបស់ខ្លួននោះឡើយ។ អ្នកជំនាញភ្នាក់ងារនេះ កំពុងតែវិភាគទៅលើស្ថានភាពនេះហើយ៕

ប្រភព៖ Independent ប្រែសម្រួល៖ សំភី