Ronaldo ប្រដេញ Selena Gomez យកតំណែងអ្នកមានគេចុច Follow ច្រើនបំផុតក្នុង Instagram

2017-11-30 01:22:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាបាល់ទាត់ឆ្នើម Cristiano Ronaldo កំពុងស្ថិតនៅលើវិថីឆ្ពោះទៅកាន់កំពូលតារាង ដែលមានអ្នកចុច Follow ច្រើនបំផុតនៅក្នុងបណ្ដាញសង្គម Instagram ស្របពេលដែលខ្លួនបានថតចេញជាឯកសារបង្ហាញពីដើមទងនៃអាជីព និងបង្ហោះពីជីវភាពក្រុមគ្រួសាររបស់គេដែលមានសមាជិកកាន់តែច្រើនឡើងបន្ថែមទៀត។ ប៉ុន្តែ តារាងចម្រៀងស្រី Selena Gomez នៅតែបន្តឈរលើតារាងដែលមានអ្នកចុច Follow ច្រើនបំផុតដដែល ក្នុងឆ្នាំ២០១៧នេះ។

Ronaldo បានហក់ពីលេខ៦ ឡើងទៅកាន់ចំណាត់ថ្នាក់លេខ២ ដោយមានអ្នកចុច Follow ចំនួន ១១៦ លាននាក់។ តួលេខនេះ កើនពី ៨២,៨លាននាក់ កាលពីឆ្នាំ២០១៦។

ចំណែក នាង Selena Gomez ដែលឈរលើគេកាលពីឆ្នាំទៅ នៅតែអាចរក្សាតំណែងរបស់ខ្លួនបាន ដោយមានអ្នកចុច Follow ១៣០លាននាក់ កើនពី ១០៣នាក់ កាលពីឆ្នាំមុន។

កីឡាករមកពីក្លឹបបាល់ទាត់ Real Madrid ដែលមានវ័យ៣២ឆ្នាំ តែងតែបង្ហោះរូបថត និងវីដេអូនៅលើ Instagram ក្នុងឆ្នាំនេះ ទាំងរឿងទាក់ទងនឹងអាជីព និងក្រៅអាជីពរបស់គេ។ ថ្មីៗនេះ គេទើបតែទទួលបានចំណងដៃ ដោយក្លាយជាឪពុកកូនទីបួនផងដែរ។

កាលពីខែមិថុនាកន្លងទៅ រូបគេបានប្រកាសថា ខ្លួនបានក្លាយជាឪពុកកូនភ្លោះ តាមរយៈការបង្ហោះលើ Instagram ។ ការបង្ហោះនោះ ទទួលបានការចុច Like ចំនួនជាង ៨,២លានដង។

សូមបញ្ជាក់ថា ក្នុងចំណោមអ្នកដែលទទួលបានការចុច Follow ច្រើនបំផុតលើ Instagram ទាំង ៥រូបលើពិភពលោក មានតែ Ronaldo ម្នាក់គត់ ដែលជាបុគ្គលផ្នែកកីឡា។ ក្រៅពីនោះ គឺសុទ្ធតែជាតារាងចម្រៀង និងតារាសម្ដែង៕

ប្រភព៖ Channelnewsasia ប្រែសម្រួល៖ លាភ.