បញ្ហា​កំហុស​មួយ​នៅ iOS11 កាលពី​ពេល​ថ្មីៗកន្លងទៅ បាន​កើតឡើង បន្ទាប់​ពី​អ្នក​ប្រើប្រាស់​មួយ​ចំនួន​ជួប​ប្រទះ​នឹង​ការ​គាំង​រយៈ​ពេល​ខ្លី​លើ​ iPhone, iPad និង iPod Touch ហើយ​​ថែម​ទាំង Restart ទៅ​កាន់ Lockscreen ទៀត​ផង។

បញ្ហា​នេះ ត្រូវ​បាន​រក​ឃើញ​ថា​ បាន​បង្ក​ឲ្យ iDevices ឡើង​កម្ដៅ រួច​ទើប​ឈាន​ដល់ Restart ទៅកាន់ Lockscreen ។ វា​ត្រូវ​បាន​គេ​រក​ឃើញ​តាំង​ពី​ថ្ងៃ​ទី២ ខែ​ធ្នូ ឆ្នាំ​២០១៧ មក​ម្ល៉េះ។

ដើម្បី​ដោះស្រាយ​បញ្ហា​នេះ Apple ក៏​បាន​បញ្ចេញ​កំណែ Update ភ្លាមៗ គឺ iOS 11.2 ។ ក្នុង​ករណី​ដែល​មិន​អាច Update បាន គេ​ត្រូវ​ចូល​ទៅ​កាន់ Settings > Notifications រួច​បិទ Allow Notifications នៅ​លើ Apps និមួយៗ។ បន្ទាប់​មក ចូល​ទៅ General > Software Update រួច Update ទៅ​កាន់ iOS 11.2 ។ ហើយ​ត្រូវ​ចូល​ទៅ Settings > Notifications ដដែល ដើម្បី​បើក Allow Notifications លើ​កម្មវិធី​នានា​វិញ​ម្ដងទៀត​៕