ជើងឯកលីគកំពូលវៀតណាមអត់បានលេង Champions League អាស៊ី តែបានក្រុមលេខ២ទៅវិញ

2017-12-04 09:23:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមជើងឯករង Thanh Hoa មកពីលីគកំពូលវៀតណាម នឹងទទួលបានកៅអីនៅក្នុងវគ្គជម្រុះបឋម AFC Champions League រដូវកាល២០១៨ នៅខែមករា ខាងមុខនេះ ហើយក៏ជាអ្នកជំនួសកៅអីរបស់ក្រុមជើងឯកលីគកំពូលវៀតណាម Quang Nam ផងដែរ។

កីឡាកររបស់ក្រុម Thanh Hoa

សហព័ន្ធកីឡាបាល់ទាត់ទ្វីបអាស៊ី (AFC) បានសម្រេចផ្ដល់សិទ្ធិចូលរួមប្រកួតនេះទៅឲ្យ Thanh Hoa បន្ទាប់ពីក្រុម Quang Nam ត្រូវដកចេញពី AFC Champions League នៅឆ្នាំក្រោយ ដោយសារតែក្លឹបមិនបានបំពេញតាមលក្ខខណ្ឌគ្រប់ជ្រុងជ្រោយ ដែលកំណត់ដោយ AFC ។

ក្រុម Thanh Hoa

AFC បានកំណត់ឲ្យក្លឹបទាំងអស់ដែលចូលរួមក្នុងកម្មវិធីប្រកួតក្នុងទ្វីប រួមទាំង AFC Champions League និង AFC Cup ត្រូវឲ្យថ្នាលយុវជនរបស់ខ្លួន ចូលរួមការប្រកួតប្រជែងក្នុងព្រឹត្តិការណ៍ផ្លូវការ ដែលរៀបចំដោយប្រទេសនោះ។

Quang Nam FC បានឲ្យយុវជនខ្លួនចូលរួមគ្រប់កម្មវិធីទាំងអស់ លើកលែងតែកម្មវិធី U17 National Championship របស់វៀតណាមប៉ុណ្ណោះ៕

ប្រភព៖ Football Tribe ប្រែសម្រួល៖ លាភ.