រឿង "មុនដំបូងខ្មែរក្រហមសម្លាប់ប៉ារបស់ខ្ញុំ" ជាប់ជាបេក្ខភាពក្នុងពានអន្តរជាតិដ៏ធំមួយ

2017-12-12 03:48:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែភាពយន្ត "មុនដំបូងខ្មែរក្រហមសម្លាប់ប៉ារបស់ខ្ញុំ" ឬ "First They Killed My Father” បានជាប់ជាបេក្ខភាព ក្នុងពានរង្វាន់មួយរបស់កម្មវិធី Golden Globe Award គឺពាន Best Motion Picture – Foreign Language។

ខ្សែភាពយន្តដែលដឹកនាំដោយតារាហូលីវូដ អ្នកស្រី Angelina Jolie នេះ នឹងត្រូវប្រជែងជាមួយបេក្ខភាពខ្សែភាពយន្តបរទេសចំនួន ៤ ផ្សេងទៀត គឺរឿង A Fantastic Woman (ភាសាអេស្ប៉ាញ), In the Fade (ភាសាអាល្លឺម៉ង់), Loveless (ភាសារុស្ស៊ី) និងរឿង The Square (ភាសាស៊ុយអែត)។

Angelina Jolie អ្នកដឹកនាំរឿង និងអ្នកស្រី អ៊ឹង លួង អ្នកនិពន្ធសៀវភៅ First They Killed My Father

កម្មវិធីប្រកាសលទ្ធផល និងចែកពានរង្វាន់ Golden Globe Award លើកទី៧៥ នឹងធ្វើឡើងនៅថ្ងៃទី៧ ខែមករា ឆ្នាំ២០១៨ នៅកាលីហ្វ័រញ៉ា សហរដ្ឋអាមេរិក។

គួរបញ្ជាក់ថា រឿង "មុនដំបូងខ្មែរក្រហមសម្លាប់ប៉ារបស់ខ្ញុំ" ត្រូវបានយកទៅចាក់បញ្ចាំងលើ Netflix កាលពីខែកញ្ញាកន្លងទៅ។ ខ្សែភាពយន្តដែលរៀបរាប់អំពីដំណើរខ្សែជីវិតក្នុងរបបខ្មែរក្រហមរបស់អ្នកស្រី អ៊ឹង លួង (អ្នកនិពន្ធ) នេះ ធ្លាប់ត្រូវបានយកទៅចាក់បញ្ចាំងនៅក្នុងមហោស្រពខ្សែភាពយន្តអន្តរជាតិមួយចំនួនផងដែរ ដូចជា Telluride Film Festival នៅសហរដ្ឋអាមេរិក និង Toronto International Film Festival នៅកាណាដាជាដើម។

ខ្សែភាពយន្តនេះ ក៏ជាបេក្ខភាពមួយ ក្នុងចំណោមបេក្ខភាពជាច្រើនទៀត ដែលត្រូវប្រជែងយកពាន Best Foreign Language Film នៅកម្មវិធីប្រគល់ពានរង្វាន់អូស្ការ លើកទី ៩០ នាដើមឆ្នាំក្រោយផងដែរ៕

ចុចអាន៖