ដូណាល់ ត្រាំ បញ្ជាឲ្យ NASA ទៅភពព្រះចន្ទសិន រួចទើបឲ្យទៅភពអង្គារ

2017-12-12 07:05:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកប្រធានាធិបតីអាមេរិក ដូណាល់ ត្រាំ បានចុះហត្ថលេខាជាផ្លូវការលើបទបញ្ជាប្រតិបត្តិថ្មីមួយ ឬ “Space Policy Directive-1” កាលពីថ្ងៃទី១១ ខែធ្នូ ឆ្នាំ២០១៧ ដោយបង្គាប់ឲ្យទីភ្នាក់ងារអវកាស NASA បញ្ជូនអវកាសយានិករបស់ខ្លួន ទៅកាន់ភពព្រះចន្ទសាជាថ្មី ដើម្បីចុះចតនៅទីនោះ រួចបន្តជំហានបន្ទាប់ ដោយការបញ្ជូនមនុស្សទៅកាន់ភពអង្គារជាលើកដំបូង។

ដូណាល់ ត្រាំ ចុះហត្ថលេខាលើបទបញ្ជាប្រតិបត្តិ បញ្ជាឲ្យ NASA បញ្ជូនអវកាសយានិកទៅភពព្រះចន្ទ

ការចុះហត្ថលេខានេះ ធ្វើឡើងក្នុងឱកាសខួបលើកទី៤៥ឆ្នាំ នៃការចុះចតលើភពព្រះចន្ទរបស់យានអវកាស អាប៉ូឡូទី១៧ (Apollo 17) ដែលជាពេលវេលាចុងក្រោយ ដែលមនុស្សបានជាន់លើព្រះចន្ទ។ លោក ដូណាល់ ត្រា បានថ្លែងថា គម្រោងនេះនឹងជួយបង្កើតការងារ ព្រមទាំងពង្រឹងសន្តិសុខជាតិផងដែរ។

អវកាសយានិក បានទៅដល់ភពព្រះចន្ទ (រូបភាពឯកសារ)

NASA ដែលជាទីភ្នាក់ងារអវកាសរបស់សហរដ្ឋអាមេរិក ត្រូវបានបញ្ជាឲ្យធ្វើការសហការជាមួយដៃគូអន្តរជាតិផ្សេងៗ ដូចជា ទីភ្នាក់អវកាសអឺរ៉ុប ESA, រុស្ស៊ី, ជប៉ុន និង ចិន ដើម្បីសម្រេចគម្រោងក្នុងការបញ្ជូនមនុស្សទៅកាន់ព្រះចន្ទ និងនាំត្រឡប់មកផែនដីវិញ។ បន្ថែមពីនេះ អាមេរិកក៏មានក្រុមហ៊ុនធំៗពីរទៀត ដែលជាក្រុមហ៊ុនឯកជន អាចសហការជាមួយ NASA ដើម្បីផលិតគ្រាប់រ៉ុកកែតសម្រាប់បេសកកម្មទៅកាន់ព្រះចន្ទ គឺក្រុមហ៊ុន Blue Origin និង SpaceX ។

NASA បានប៉ាន់ស្មានថា ដើម្បីបញ្ជូនមនុស្សទៅកាន់ភពព្រះចន្ទជាថ្មី គេត្រូវចំណាយយ៉ាងហោចណាស់ ១០០ពាន់លានដុល្លារអាមេរិក៕