សមាគមអភិបាលក្រុងនិយាយភាសាបារាំង នឹងបង្កើតការិយាល័យប្រចាំតំបន់អាស៊ាន នៅភ្នំពេញ

2017-12-18 09:27:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីព្រឹកថ្ងៃទី១៨ ខែធ្នូ ឆ្នាំ២០១៧ លោក ឃួង ស្រេង អភិបាលរាជធានីភ្នំពេញ បានទទួលជួបសម្ដែងការគួរសម និងពិភាក្សាការងារជាមួយលោក Pierre BAILLET លេខាអចិន្ដ្រៃយ៍នៃសមាគមអភិបាលក្រុងនិយាយភាសាបារាំង (AIMF)។ លោក Pierre BAILLET បញ្ជាក់ថា សមាគមអភិបាលក្រុងនិយាយភាសាបារាំង នឹងបង្កើតការិយាល័យប្រចាំតំបន់អាស៊ាន នៅក្នុងរាជធានីភ្នំពេញ។

សាលារាជធានីភ្នំពេញ បានប្រកាសថា ការបង្កើតការិយាល័យប្រចាំតំបន់អាស៊ាននេះ គឺដើម្បីបង្កភាពងាយស្រួលក្នុងការទំនាក់ទំនងផ្ទាល់រវាងការិយាល័យនៅក្នុងតំបន់អាស៊ាន និងការិយាល័យកណ្តាលនៅក្នុងទីក្រុងប៉ារីស ប្រទេសបារាំង។

លោកអភិបាលរាជធានីភ្នំពេញ បានស្វាគមន៍ និងផ្តល់នូវកិច្ចសហប្រតិបត្តិការ ក៏ដូចជា ការបង្កលទ្ធភាពគ្រប់បែបយ៉ាង ចំពោះគម្រោងខាងលើនេះ។

គួរបញ្ជាក់ថា រាជធានីភ្នំពេញ គឺជាទីក្រុងអាស៊ីតែមួយគត់ ដែលជាសមាជិកគណៈកម្មាធិការអចិន្រ្តៃយ៍របស់សមាគមអន្តរជាតិ នៃបណ្តាអភិបាលក្រុងប្រើប្រាស់ភាសាបារាំង ហៅកាត់ថា AIMF តាំងពីឆ្នាំ១៩៩០មក៕

អត្ថបទ៖ លីហៀង