ក្លឹបម៉ាឡេស៊ី Terengganu របស់ធារី ចន្ថាប៊ីន នឹងធ្វើដំណើរមកប៉ះក្លឹប៣ នៅកម្ពុជា

2017-12-20 02:16:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់ Terengganu FC នៅលីគកំពូលម៉ាឡេស៊ី នឹងធ្វើដំណើរមកប្រកួតមិត្តភាពត្រៀមរដូវកាលថ្មី (Pre-season) នៅព្រះរាជាណាចក្រកម្ពុជា នាដើមខែក្រោយនេះ (មករា ២០១៨) ដោយប៉ះក្លឹបបាល់ទាត់ ៣ នៅលីគកំពូលកម្ពុជា គឺ ព្រះខ័នរាជស្វាយរៀង ក្រសួងការពារជាតិ និងភ្នំពេញក្រោន។ នេះបើយោងតាមការចុះផ្សាយ លើទំព័រហ្វេសប៊ុកផ្លូវការរបស់ក្លឹប Terengganu FC។

ព័ត៌មាននៃការប្រកួត ត្រូវបានក្លឹប Terengganu បង្ហោះលើទំព័រហ្វេសប៊ុកផ្លូវការរបស់ខ្លួន

កម្មវិធីប្រកួតមិត្តភាពនោះ មានដូចខាងក្រោម៖

ថ្ងៃ៦ មករា៖ ព្រះខ័នរាជស្វាយរៀង vs Terengganu FC ម៉ោង ៦:៣០ល្ងាច នៅពហុកីឡដ្ឋានជាតិ
ថ្ងៃ៨ មករា៖ ក្រសួងការពារជាតិ vs Terengganu FC ម៉ោង ៦:៣០នាទីល្ងាច នៅពហុកីឡដ្ឋានជាតិ
ថ្ងៃ៩ មករា៖ ភ្នំពេញក្រោន vs Terengganu FC ម៉ោង ៦:៣០នាទីល្ងាច នៅពហុកីឡដ្ឋានជាតិ

គួរបញ្ជាក់ថា Terengganu FC ជាក្លឹបដែលទើបឡើងមកលេងលីគកំពូលម៉ាឡេស៊ីរដូវកាល ២០១៨ ខាងមុខ ក្រោយជាប់លេខ២ នៅលីគលំដាប់ទី២ កាលពីរដូវកាលមុន។ ក្លឹបនេះ មានកីឡាករបរទេស ៥នាក់ ដែលរួមមាន ធារី ចន្ថាប៊ីន របស់កម្ពុជាផងដែរ៕