រិន សារ័ត្ន វិលចូលប្រកួតក្នុងទ្រុង MMA ជាថ្មី ប៉ះជើងខ្លាំងម្ចាស់ផ្ទះឥណ្ឌូណេស៊ី

2018-01-11 09:12:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រដាល់គុនខ្មែរ រិន សារ័ត្ន នឹងប៉ះកីឡាករជើងខ្លាំងឥណ្ឌូណេស៊ី Sunoto Peringkat នៅក្នុងកម្មវិធី ONE: Kings of Courage របស់ស្ថាប័ន ONE Championship នៅទីក្រុងហ្សាការតា ប្រទេសឥណ្ឌូណេស៊ី នាថ្ងៃទី២០ ខែមករាខាងមុខ។

រិន សារ័ត្ន ហ្វឹកហាត់ក្នុងក្លឹប Cambodian Top Team នាពេលកន្លងមក

រិន សារ័ត្ន បានខកខានចូលប្រកួតក្នុងទ្រុង MMA មួយរយៈចុងក្រោយនេះ ដោយភាគច្រើនសារ័ត្នប្រកួតតែប្រដាល់គុនខ្មែរប៉ុណ្ណោះ។ យ៉ាងណាក្ដី កូនសិស្សរបស់លោកគ្រូ ហ៊ុន ចាន់រាជ រូបនេះ ក៏ធ្លាប់ប្រឡូកក្នុងទ្រុង MMA ជាច្រើនប្រកួតផងដែរ ជាពិសេសគឺនៅក្នុងកម្មវិធីក្បាច់គុនចម្រុះរបស់ MyTV ដែលពេលនោះ សារ័ត្ន ទទួលបានជើងឯករងថែមទៀតផង។

ក្រោយខកខានមួយរយៈ សារ័ត្ន បានប្រឹងប្រែងហ្វឹកហាត់យ៉ាងខ្លាំង នៅក្លឹប Cambodian Top Team របស់លោកគ្រូហ៊ុន ចាន់រាជ ដើម្បីមានឈ្មោះឡើងប្រកួតក្នុងកម្មវិធីដ៏ធំនាពេលនេះ។

ចំណែកគូប្រកួតរបស់សារ័ត្នវិញ គឺកីឡាករ MMA ជើងខ្លាំងរបស់ឥណ្ឌូណេស៊ី។ Sunoto ជាអតីតជើងឯកការ៉ាតេរបស់ឥំណ្ឌូណេស៊ី ដែលធ្លាប់មានបទពិសោធន៍ក្នុងទ្រុង MMA ចំនួន ៩ដង (ឈ្នះ ៦ដង និងចាញ់ ៣ដង)៕