គ្រាប់បាល់ដំបូងនៅអង់គ្លេស ដែលផ្តល់ឲ្យដោយវីដេអូជំនួយអាជ្ញាកណ្តាល រកឃើញហើយ
- 2018-01-16 22:52:58
- ចំនួនមតិ 0 | ចំនួនចែករំលែក 0
គ្រាប់បាល់ដំបូងនៅអង់គ្លេស ដែលផ្តល់ឲ្យដោយវីដេអូជំនួយអាជ្ញាកណ្តាល រកឃើញហើយ
ចន្លោះមិនឃើញ
ខ្សែប្រយុទ្ធក្រុម Leicester City គឺ Kelechi Iheanacho បានក្លាយជាកីឡាករទី១ ដែលអាចរកគ្រាប់បាល់បានតាមរយៈការផ្តល់ឲ្យដោយវីដេអូជំនួយអាជ្ញាកណ្តាល (VAR) នៅក្នុងពិភពបាល់ទាត់អង់គ្លេស ខណៈក្រុមនេះ បានយកឈ្នះក្រុមភ្ញៀវ Fleetwood Town ២-០ ក្នុងពាន FA Cup ជុំទី៣ កាលពីយប់មិញ។
Iheanacho រកបានគ្រាប់ទី១ ឲ្យ Leicester នៅនាទី៤៣។ បន្ទាប់មកចូលដល់នាទី៧៧ Iheanacho ក៏អាចរកបានគ្រាប់បាល់ទី២ទៀត ប៉ុន្តែចំពោះគ្រាប់បាល់ទី២នេះ គឺពេលដំបូង អាជ្ញាកណ្តាល លោក Johnathan Moss មិនឲ្យឡើយ ដោយបានលើកទង់ Offside ព្រោះយល់ថា Iheanacho ស្ថិតនៅក្នុងជំហរ Offside ពេល Riyad Mahrez បានបញ្ជូនបាល់ទៅឲ្យ។ ភ្លាមៗនោះ អាជ្ញាកណ្តាល១រូបទៀតគឺលោក Mike Jones ដែលជាអ្នកមើលវីដេអូ VAR ក៏បានប្រាប់ថា ការបញ្ជូនបាល់នោះ គឺមិនស្ថិតក្នុងជំហរ Offside នោះទេ ហើយក៏ប្រគល់គ្រាប់ទី២នោះ ឲ្យ Leicester តែម្តង៕
សូមទស្សនាវីដេអូ Highlight៖