ផ្លូវរថភ្លើង ទៅកាន់ព្រលានយន្តហោះភ្នំពេញ គ្រោងនឹងដាក់ឱ្យដំណើរការក្នុងខែមេសា
- 2018-01-17 03:26:04
- ចំនួនមតិ 0 | ចំនួនចែករំលែក 0
ផ្លូវរថភ្លើង ទៅកាន់ព្រលានយន្តហោះភ្នំពេញ គ្រោងនឹងដាក់ឱ្យដំណើរការក្នុងខែមេសា
ចន្លោះមិនឃើញ
បន្ទាប់ពីរដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុលបានប្រកាសពីការដាក់ឱ្យដំណើរការខ្សែរថភ្លើងធុនតូច ឆ្ពោះទៅកាន់ព្រលានយន្តហោះអន្តរជាតិភ្នំពេញ ឲ្យទាន់មុនបុណ្យចូលឆ្នាំប្រពៃណីខ្មែរ ខាងមុខរួចមក ពេលនេះអ្នកជំនាញនៃក្រសួងសាធារណការ បានចាប់ផ្តើមសម្រុក បំពេញការងារ ធ្វើផ្លូវដែក ឲ្យទាន់ពេលវេលា។ នេះបើតាម លោក វ៉ាសឹម សុរិយា អ្នកនាំពាក្យក្រសួងសាធារណការ។
ផ្លូវរថភ្លើងនេះ តភ្ជាប់ ពីស្ថានីយរថភ្លើងភ្នំពេញ ឆ្ពោះទៅកាន់ខាងមុខ ផ្លូវវត្តតាំងក្រសាំងខាងត្បូង ស្ថិតនៅសង្កាត់កាកាប ខណ្ឌពោធិ៍សែនជ័យ រួចបត់ឆ្ពោះទៅកាន់ព្រលានយន្តហោះ។ ហើយរថភ្លើង ដែលគ្រោងនឹងដាក់ឱ្យបម្រើការនាថ្ងៃខាងមុខ មានចំនួនបីគ្រឿង។
ដោយឡែកលោក ខៀវសុខន ប្រធានខណ្ឌផ្លូវដែករាជធានីភ្នំពេញ បានឲ្យដឹងដែរថា ផ្លូវរថភ្លើងប្រវែង ១គីឡូម៉ែត្រកន្លះនេះ នឹងត្រូវគេតភ្ជាប់ ចេញពីផ្លូវរថភ្លើងដែលមានស្រាប់ ត្រង់វត្តតាំងក្រសាំង។ ហើយផ្លូវដែក ដែលរត់កាត់ខាងមុខវត្តតាំងក្រសាំងខាងត្បូង នឹងត្រូវបង្កប់ពាក់កណ្តាលផ្លូវបេតុង ឆ្ពោះទៅព្រលានយន្តហោះអន្តរជាតិភ្នំពេញតែម្តង។
បើតាមលោក ស៊ុន ចាន់ថុល នៅពេលដែលផ្លូវរថភ្លើងនេះដាក់ឲ្យដំណើរការ ពលរដ្ឋនឹងត្រូវអនុញ្ញាតឱ្យជិះធ្វើដំណើរដោយឥតគិតថ្លៃចំនួនមួយខែ។
ការបង្កើតខ្សែរថភ្លើងនេះ ក៏នឹងជួយសម្រាលដល់អ្នកធ្វើដំណើរទៅកាន់ព្រលានយន្តហោះអន្តរជាតិភ្នំពេញ ដោយសាររថភ្លើងនេះធ្វើដំណើរត្រឹមតែ១៥នាទីប៉ុណ្ណោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
