កូរ៉េខាងជើង-កូរ៉េខាងត្បូង យល់ព្រមប្រើប្រាស់ទង់ជាតិតែមួយនៅអូឡាំពិក
- 2018-01-17 23:25:34
- ចំនួនមតិ 0 | ចំនួនចែករំលែក 0
កូរ៉េខាងជើង-កូរ៉េខាងត្បូង យល់ព្រមប្រើប្រាស់ទង់ជាតិតែមួយនៅអូឡាំពិក
ចន្លោះមិនឃើញ
កូរ៉េខាងជើង និងកូរ៉េខាងត្បូង បានព្រមព្រៀងគ្នាក្នុងការប្រើប្រាស់ទង់ជាតិកូរ៉េតែមួយ ដែលតំណាងឲ្យការរួបរួម នៅក្នុងព្រឹត្តិការណ៍កីឡាអូឡាំពិករដូវរងា ដែលរៀបចំឡើងនៅកូរ៉េខាងត្បូង នៅខែក្រោយ។
ការយល់ព្រមនេះ ធ្វើឡើងបន្ទាប់ពីមានការជួបពិភាក្សាការទូតថ្នាក់ជាន់ខ្ពស់ជាច្រើនលើករវាងប្រទេសទាំងពីរ ក្រោយពីខកខានអស់ជាង ២ឆ្នាំ។ ភាគីទាំងពីរ ក៏បានឯកភាពគ្នាក្នុងការបង្កើតជាក្រុមនារី Hockey ទឹកកក តែមួយផងដែរ ដែលនេះជាសញ្ញាវិជ្ជមានមួយនៃទំនាក់ទំនងកូរ៉េខាងជើង និងកូរ៉េខាងត្បូង។
ភាពតានតឹងនៅឧបទ្វីបកូរ៉េ បានធូរស្បើយឡើងវិញបន្តិច នៅដើមឆ្នាំ២០១៨នេះ បន្ទាប់ពីកូរ៉េខាងជើងសម្រេចបញ្ជូនក្រុមប្រតិភូកីឡារបស់ខ្លួន ទៅចូលរួមព្រឹត្តិការណ៍អូឡាំពិកខាងលើ ដែលរៀបចំឡើងចាប់ពីថ្ងៃទី៩ ដល់ថ្ងៃទី២៥ ខែកុម្ភៈ ឆ្នាំ២០១៨ នៅក្រុង Pyeongchang ។
កូរ៉េខាងជើង នឹងបញ្ជូនប្រតិភូកីឡាចំនួន ៤០០នាក់ ឆ្លងកាត់បន្ទាត់ព្រំដែនប្រទេសទាំងពីរ ដែលជាការបើកចំហព្រំដែនជាលើកដំបូងក្នុងរយៈពេល ២ឆ្នាំ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
