សម្តេច ហ៊ុន សែន៖ នាយករដ្ឋមន្ត្រីកម្ពុជា គ្មានសិទ្ធិពន្យារពេលបោះឆ្នោត ដូចនៅប្រទេសដទៃឡើយ
- 2018-01-18 03:53:43
- ចំនួនមតិ 0 | ចំនួនចែករំលែក 0
សម្តេច ហ៊ុន សែន៖ នាយករដ្ឋមន្ត្រីកម្ពុជា គ្មានសិទ្ធិពន្យារពេលបោះឆ្នោត ដូចនៅប្រទេសដទៃឡើយ
ចន្លោះមិនឃើញ
សម្តេច ហ៊ុន សែន បានថ្លែងបញ្ជាក់ថា នាយករដ្ឋមន្ត្រីកម្ពុជា គ្មានសិទ្ធិប្រកាសរំលាយសភា ឬពន្យារពេលបោះឆ្នោត ដូចនាយករដ្ឋមន្រ្តីនៅប្រទេសដទៃឡើយ។ ការបញ្ជាក់នេះ ធ្វើឡើងនៅក្នុងពិធីប្រកាសផ្សព្វផ្សាយគោលនយោបាយស្តីមនុស្សវ័យចាស់ឆ្នាំ២០១៧-២០៣០ នាព្រឹកនេះ នៅវិមានសន្តិភាព។
សម្តេចបានមានប្រសាសន៍ថា នាយករដ្ឋមន្ត្រីនៅប្រទេសដទៃ មានសិទ្ធិប្រកាសរំលាយសភា ហើយចាត់តាំងការបោះឆ្នោតតាមអ្វីដែលនាយករដ្ឋមន្រ្តីនៃប្រទេសនោះមើលឃើញថា អនុគ្រោះសម្រាប់បក្សរបស់ខ្លួន។ ដោយឡែកនៅកម្ពុជា នាយករដ្ឋមន្ត្រីគ្មានសិទ្ធិប្រកាសដូច្នេះនោះទេ ដោយសម្តេចលើកឡើងថា ការពន្យារពេលបោះឆ្នោតអាចធ្វើទៅបាន លុះត្រាតែក្នុងករណីស្នើសុំទៅសភា ដោយការអនុម័តសំឡេង២ភាគ៣ និងថ្វាយទៅព្រះមហាក្សត្រ ប៉ុន្តែគ្មានមូលហេតុអ្វីដែលចាំបាច់ត្រូវសុំពន្យារពេលនោះទេ។
សម្តេច ហ៊ុន សែន បានគូសបញ្ជាក់ជាថ្មីថា ការបោះឆ្នោតជ្រើសរើសសមាជិកព្រឹទ្ធសភា និងការបោះឆ្នោតជ្រើសរើសតំណាងរាស្រ្តនៃរដ្ឋសភា ឆ្នាំ២០១៨នេះ នឹងធ្វើឡើងតាមកាលកំណត់ មិនមានការផ្លាស់ប្តូរនោះទេ៕