Apple នឹងចូលរួមជួយដល់សេដ្ឋកិច្ចអាមេរិកចំនួន ៣៥០ពាន់លានដុល្លារ

2018-01-18 06:58:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន Apple បានប្រកាសម្សិលមិញអំពីគម្រោងថ្មីមួយ ដែលនឹងអាចជួយដល់សេដ្ឋកិច្ចរបស់សហរដ្ឋអាមេរិកចំនួន ៣៥០ពាន់លានដុល្លារ ក្នុងរយៈពេល៥ឆ្នាំខាងមុខ រាប់ចាប់ពីឆ្នាំ២០១៨នេះតទៅ។

Apple បញ្ជាក់ថា នៅឆ្នាំ២០១៨នេះ ក្រុមហ៊ុននឹងវិនិយោគទឹកប្រាក់ចំនួន ៥៥ពាន់លានដុល្លារ ជាមួយនឹងដៃគូផ្គត់ផ្គង់ និងរោងចក្រផលិតក្នុងស្រុក (អាមេរិក)។ បន្ថែមពីនេះ Apple ក៏រំពឹងដែរថា ការវិនិយោគនេះនឹងជួយបង្កើតការងារចំនួន ២ម៉ឺនកន្លែងបន្ថែមទៀត នៅត្រឹមឆ្នាំ២០២៣ ខណៈដែលបច្ចុប្បន្នបុគ្គលិកសរុបមានចំនួនជាង ៨ម៉ឺននាក់។

ការប្រកាសគម្រោងវិនិយោគជួយដល់សេដ្ឋកិច្ចអាមេរិកនេះ ធ្វើឡើងបន្ទាប់ពីការចេញច្បាប់ពន្ធថ្មី ដែលអនុញ្ញាតឲ្យ Apple បង់ថ្លៃពន្ធត្រឹម ១៥,៥% លើចំណូលក្រៅប្រទេស ខណៈដែលពីមុនត្រូវបង់ដល់ ៣៥% ឯណោះ៕

ប្រភព៖ 9to5Mac ប្រែសម្រួល៖ ឈាង.