កម្ពុជា ដាក់សម្ពោធម៉ាកអង្ករក្រអូបប្រណិតផ្តាច់មុខរបស់ខ្លួនជាផ្លូវការ
- 2018-01-22 06:38:59
- ចំនួនមតិ 0 | ចំនួនចែករំលែក 0
កម្ពុជា ដាក់សម្ពោធម៉ាកអង្ករក្រអូបប្រណិតផ្តាច់មុខរបស់ខ្លួនជាផ្លូវការ
ចន្លោះមិនឃើញ
កម្ពុជា បានសម្រេចដាក់សម្ពោធម៉ាកវិញ្ញាតកម្មអង្ករ ឈ្មោះ "ម្លិះអង្គរ" (MALYS ANGKOR) ជាផ្លូវការនៅថ្ងៃទី២២ ខែមករា ឆ្នាំ២០១៨ ដើម្បីលើកស្ទួយវិស័យអង្ករកម្ពុជា។ អង្ករ "ម្លិះអង្គរ" មានសហព័ន្ធស្រូវអង្ករកម្ពុជាជាកម្មសិទ្ធិករ។
ពិធីសម្ពោធនេះ ត្រូវបានធ្វើឡើងក្រោមអធិបតីភាពលោក យឹម ឆៃលី ប្រធានក្រុមប្រឹក្សាស្តារ អភិវឌ្ឍន៍ វិស័យកសិកម្ម និងជនបទ និងលោក សុខ ពុទ្ធីវុធ ប្រធានសហព័ន្ធស្រូវអង្ករកម្ពុជា។
«ម្លិះអង្គរ» ជាម៉ាកអង្ករក្រអូបប្រណិតរបស់កម្ពុជា ដែលនឹងផ្តល់ការបញ្ជាក់ទៅលើប្រភេទអង្ករក្រអូបប្រណិតនានា ដែលកម្ពុជាផលិតបាន រួចកិនកែច្នៃ សម្រាប់នាំចេញ ឬចែកចាយក្នុងទីផ្សារក្នុងស្រុក។ រាល់ការប្រើប្រាស់ម៉ាក«ម្លិះអង្គរ» គឺជាការធានាចំពោះមុខច្បាប់ថា អង្ករនោះជាផលិតផលកម្ពុជា យ៉ាងពិតប្រាកដ។
នៅឆ្នាំ២០១៧ កម្ពុជាបានសម្រេចការនាំចេញអង្ករទៅកាន់ទីផ្សារអន្តរជាតិជាង ៦៣៥០០០តោនទៅកាន់ប្រទេស៦៣ ក្នុងសាកលលោក។ ទិន្នន័យចុងក្រោយក្នុងឆ្នាំ២០១៧ បង្ហាញថា ទីផ្សារនៃប្រទេសជាសមាជិកសហភាពអឺរ៉ុបបានស្រូបយកអង្ករកម្ពុជា ៤៣% នៃបរិមាណនាំចេញសរុប ស្របពេលទីផ្សារចិនកំពុងប្រជែងក្នុងល្បឿនយ៉ាងរហ័សក្នុងការស្រូបយកអង្ករពីកម្ពុជា ដោយមានចំណែក ៣៤% នៃការនាំចេញសរុប៕