​​បឹង​​​មួយ​​​មាន​ឈ្មោះ​ថា Lake Hillier​ ស្ថិត​នៅ​ប្រជុំ​​​កោះ Recherche ​​ភាគ​ខាង​លិច​​ប្រទេស​អូស្ត្រាលី​ ជាបឹង​ដែល​​មានទឹក​ពណ៌​ផ្កាឈូក​ អស់​រយៈពេល​ជា​ច្រើន​ឆ្នាំ​មកហើយ។ តើ​ហេតុអ្វី​ បាន​ជា​ទឹក​បឹង​នេះ មាន​ពណ៌​ខុស​ប្រក្រតី​បែបនេះ?

​​​​​​ក្រុម​អ្នក​ស្រាវ​ជ្រាវ​​​​បាន​រកឃើញ​ថា ទឹក​ពណ៌​ផ្កា​ឈូក​​នេះ​ កើត​ឡើង​ដោយសារ​​វត្តមាន​សារាយ​​ម្យ៉ាង​​​​​នៅ​​បាត​បឹង។ ​​​​​​

​អ្នក​ស្រាវ​ជ្រាវ​​បាន​​​ប្រមូល​ល្បាប់​​ដី​ និង​ទឹក​​ពី​ក្នុង​​​បឹង ​ដើម្បីរក​​មើល​​ជាតិ​សារាយ​ ​និង​​បាក់តេរី​​​​​ផ្សេង​ទៀត​​​រស់​នៅ​ក្នុង​ទឹក។ ​ចុង​ក្រោយ​​ គេ​​​​​ពិនិត្យ​​ឃើញ​​​សារាយ​សំខាន់​ជាង​គេ​ឈ្មោះ​​​ Dunaliella Salina​ ​​ជា​អ្នក​ផលិត​ជាតិ​ពណ៌​ដ៏​ច្រើន​​​ឈ្មោះ Carotenoids។

ទោះ​​ជា​យ៉ាង​ណា​ ​សារាយ​ D.Salina នេះ ​​​​​​​​​មិន​​​​មែន​​​​​​ជា​​​​​​​​អ្នក​ចូល​រួម​​តែ​មួយ​​មុខ​គត់​ទេ​ ​​នៅ​មាន​សារធាតុ​​ជាច្រើន​ទៀត​​​ ដូច​ជា​ប្រភេទ​បាក់តេរី​ Salinibacter ruber ​និង​បាក់តេរី​ក្រអូប​ Dechloromonas។​ ​ក្រៅ​ពី​​​​បឹង​នៅ​អូស្ត្រាលី ​គេ​ក៏​ឃើញ​មាន​​សារាយ​​​បែប​នេះ​នៅ ក្នុង​បឹង Lake Retba ​ប្រទេស​សេណេហ្កាល់​ផងដែរ៕